28歲TVB小花產後終獲安排復出　感觸：仲可以企喺度同大家見到面

現年28歲的TVB小花陳嘉慧（Erica）於事業高峰期無預警下同圈外富貴男友Calvin成婚，翌年3月就誕下B女，之後一直處於停工湊B狀態。正當以為陳嘉慧將淡出幕前專心做少奶奶，她今年突然高調向公司𢯎撈：「我唔抗拒拍劇，希望有劇集就可以搵我。」

她日前終於得償所願，獲安排復出參與全新節目《養生之旅》的拍攝，陳嘉慧接受《娛樂新聞台》訪問時稱：「我都幾感觸，因為我估唔到自己生完小朋友，結完婚都仲可以企喺度同大家見到面，所以都幾開心。希望嚟緊新嘅一年可以多啲嘢做，多啲出現返喺螢光幕前，我未完全想Stay喺屋企做家庭主婦，因為畢竟我都係28歲啫。」陳嘉慧亦坦言產後增磅不少，要好好修身。