今日（13日）是馬國明（馬明）51歲生日，湯洛雯（靚湯）在IG曬出兩公婆的甜蜜合照，並向老公送上祝福：「生日快樂，我的親愛❤️」相中所見，靚湯負責揸機，同馬明對着鏡面波波大擺Pose影相，大曬恩愛！

馬明與靚湯前年12月在泰國蘇梅島舉行婚禮，成為一時佳話。婚後靚湯不時被指孕味甚濃，惹來懷孕猜測，但早前她出席劇集《富貴千團》宣傳活動時就澄清冇懷孕，又指馬明工作忙碌，兩人連度蜜月都未有時間，笑言要等老公度期。