【專訪】黃宇詩淡出幕前賣bra五年　踏實前進：總之要舒服唔離罩

已故名人黃霑的女兒黃宇詩，創辦的內衣品牌me Me& ME，由網店到兩間實體店，一轉眼已經5年，作為一個小小的回顧，她說自己初衷、喜歡、堅持的依舊一樣，經歷了摸索、扎根之後，為令產品更多元化，最近研製出哺乳內衣以及為乳癌病人而設的內衣。談到生意之道，她表示最重要是夠穩重。

me Me& ME第一間實體店本想在銅鑼灣，奈何租金驚人，唯有轉移到租金較為便宜的PMQ，由於經營網店時，已有一定的捧場客，所以實體店初期生意算不俗，捱過了2014年的「雨傘」後，計過度過之後，銅鑼灣樓上舖不再是夢。黃宇詩最要感激的應該是另一位投資者曾志偉吧？「其實搵過好多人，又要擔心對方背景、又怕對方話唔插手最後意見多多，因為自己都好有主見、好難搞，搵『志偉爸』好似唔使擔心咁多，同埋他也不會向我說不。」說罷黃宇詩也忍不住哈哈大笑，憑住當年與曾志偉兩人份的資金，店舖由一變二，看來黃宇詩的生意頭腦也不差，她坦言全靠慳。「唔好以為做生意就好多錢使，唔係！就好似我睇住陳方藤（Meter Chan）做不同的生意，現在雖然有6間拉麵店，但依然會為九折同九五折之差到處格價。」
 

被資深用家挑機

對比起大品牌，me Me& ME跟廠商落單時，如同孤兒仔一樣，人家幾百萬你才十幾萬，被恰也是在所難免，但黃宇詩自覺已比不少人幸運。「如果你是普通人去做，無conneciton，為什麼別人要幫你？我覺得某程度上我是名人個女，會容易咗，這是最關鍵。因為老竇真係太勁，細叔伯見到都會幫，所以真係no complain。」

說到投訴，總有遇上過極品客人吧？黃宇詩想了一想，說大多數客人都對她十分好，唯獨試過一對中年夫婦，女的踏入舖頭已表現不友善，繼而說胸圍的尺寸有所出入，一直說教，最後拋出一句「你知唔知我做咗幾多年？」原來是老行家，黃宇詩雖然堅持自己的產品沒有錯，但也連聲道歉，她記得那女士離開時，依然未停嘴。面對客人的挑剔，黃宇詩認為可以做得更好。「距離我心中的成績還有距離，大品牌隨時一隻手指整死我。」

最緊要靈活變通

由網店演變為實體店，經營上最難是人手管理，雖然這天看到黃宇詩與員工執貨時有講有笑，但她自認欠缺耐性，「因為自己要求高，有啲嘢覺得理所當然，如果無做就會嬲，很多時都會叫其他人幫我去傳達，等自己唔好咁火，希望可以放手更多讓她們去處理。」她說現在最希望出貨時間可以更準，但由於步驟很多，錯任何一步都會有影響。「因為production唔準時，所以要多元化，睡衣也是最近嘗試，做生意要open mind。」

除了睡衣之外，一系列的護膚品，以及為乳癌病人而設的內衣也是新嘗試。「自己大部分時間都在店，所以知道客人需要什麼，同埋都有客問過我，所以會研究，其實唔難係需要多少少配套。」看到她的笑臉，你就知什麼叫樂在其中。