唔識游水都可以做美人魚？ 陳蕊蕊初試「開肺」可以閉氣兩分半
撰文：李妍樺
出版：更新：
看完全智賢的《藍海傳說》想一嚐做美人魚的滋味，聽起來好似天方夜譚，但其實唔難。最近藝人陳蕊蕊注資6位數字開「美人魚明星學院」，只要花幾千蚊就有專業人士教你扮魚，戴上假魚尾在泳池裡游來游去，認真盞鬼。其實在外國「美人魚泳術」流行了一段時間，在美國、新加坡、台灣等地方都有專門學校，蕊蕊只是學了幾個月時間，已經忍不住想將這項運動帶入香港，她說：「我學咗幾個月，覺得呢項運動好有挑戰性，可以鍛鍊意志。」
扮美人魚游水，咩玩法？（視覺中國）
+5
原來做美人魚並不需要本身懂泳術，蕊蕊自己本身也都不熟水性，上完幾堂課之後就簡單上手了，她解釋道：「美人魚泳術唔止係游，仲有小小潛水，我第一次跟老師學嗰陣，好似你拉一字馬要拉筋，我哋潛水都要『拉肺』，即係拉闊你個肺，拉完之後我第一次潛就潛咗兩分半鐘，真係好想帶呢樣嘢畀大家。」第一次就潛到兩分半鐘，到底當中有什麼秘技呢？
唔通呢個就係傳說中嘅「拉肺」？（網上圖片）
+5
如果喺泳池見到一班人扮緊美人魚，場面都幾搞笑。（網上圖片）
閒時蕊蕊都會帶個「魚尾」去練吓水。（網上圖片）
蕊蕊就話很難簡單幾句可以表達到，她形容美人魚泳術類似自由潛水（freediving），不用帶氣樽，只要套上個「魚尾」就可以落水了。魚尾就豐儉由人，有平有貴，在淘寶一百塊就有交易，不想買也可以借用，她表示只要報讀課程就可以借用魚尾：「始終買條魚尾都貴嘅，大概要千五蚊左右，唔同普通一般淘寶買嘅，質素好好多。」
由於預算所限，現在課程都是在公眾游泳池開班，所以大家如果在泳池巧遇「美人魚」游來游去，無須驚訝，他們只是在上課，蕊蕊說：「如果包場都幾貴吓，所以我哋喺深水區Book個Area教，其實正常泳池深水區都唔會開放，都唔算話好多人。」暫時學校因為安全問題，只開放成人美人魚班，蕊蕊透露現時課程排得滿滿的，看來香港女生蠻接受這項新運動，可以減肥瘦身，又可以自拍打卡，看來之後一定帶起一股風潮，大家等著被美人魚「洗板」吧。