【BigBoys歷險記】司徒法正係對家？　龍哥：捉咩鬼嚟做咩先！

龍哥在《Big Boys歷險記》「乾坤一開」，打開了名堂，引起了網民廣泛討論。上回講到，龍哥在Big Big Channel快人快語，疑似自爆畀錢監製，一集兩萬四集八萬，為的是要揚名立萬。除此之外，很多網民都問龍哥不少關於捉鬼的問題，多話講的龍哥，幾次有意無意地講起「對家」司徒法正。

提起捉鬼，龍哥帶點囂張，面對鏡頭表示：「我呢啲唔係捉鬼，而係同鬼講數，講到數佢咪走囉，講唔到佢走咪適隨尊便囉，好好哋做咩要捉鬼呢？捉隻鬼返嚟做咩先？要捉鬼咪搵司徒乜正囉！」旁人聽到又哈哈大笑，龍哥續道：「我唔係話人唔好呀！如果你有咁嘅需要咪去搵佢囉！」其實龍哥在言談中，似乎有暗示司徒法正是他對家，他說：「導演問我做唔做《歷險記》呀？你唔做嘅我就搵司徒乜乜㗎喇！咁我幾大都應承喇…」如果再承接之後「畀錢監製」的說法就……

後來有網民就問龍哥：「司徒法正定龍哥勁啲？」龍哥瞇瞇嘴笑說：「我諗我勁佢30幾倍左右喇…其實都唔係好勁㗎咋，勁100倍來講得30倍…」記者後來就有致電司徒法正，但未有回覆。而龍哥在整個直播中笑談風生，態度輕鬆，他一番言論真定假，為搞氣氛搞笑下？真是只有他本人最清楚。