【蒙面唱將猜猜猜】第二季名單曝光 大卡士雲集謝霆鋒都玩埋?

撰文:
最後更新日期:

近年內地綜藝節目做到風生水起,吸引不少港台電視友關注。而其中一個就是《蒙面唱將猜猜猜》(前身:蒙面歌王),自2015年推出就大受歡迎,話題不斷。最令人記得的就莫過於,猜評團之一的巫啟賢竟然「估唔出」當時以「白棱鏡」look出場的李克勤,成為全城熱話。

而去年改名播出的《蒙面唱將猜猜猜》以全新賽制登場,去除PK模式改為競賽模式,反應亦相當熱烈。亦令大家觀賞到久未露面的歌手再展唱功,令不少人眼前一亮。同時亦因為受歡迎,《蒙面唱將猜猜猜》第二季亦宣佈將會在9月再次同大家見面,實行再次玩全城猜猜猜遊戲。

今次參賽歌手好似比上一季厲害。(微博圖片)

節目組近日在官網上上貼一張宣傳海報,背景上有多個打散了不同人的名字,疑似透露出第二季的參賽名單。一眼望落去明顯見到田馥甄﹑張韶涵﹑薛之謙﹑張杰﹑黄麗玲﹑宋茜﹑杜麗莎﹑鄧超﹑謝霆鋒等人,即意味著霆鋒會參賽?睇返今次名單,同過往不一樣的是今次將是演員與歌手之間的混搭比賽,無疑令節目更有睇頭。

今季參賽人物無疑就是歌手同演員的混搭。(微博圖片)

其實,不得不講《蒙面唱將猜猜猜》這個節目的確好睇,一來可以睇返已經淡出了好耐的歌手;二來又可以令聽眾只投入歌手聲音當中。不過,既然話明是「猜」睇返以往節目組都是邀請了一些知名度同聲音有辨識度的歌手(李克勤就是最好例子)參加,其實唔使猜就已經估到。今次節目組不知是故意還是無意,未開播就大大隻字東湊西拼,大家都猜測到那一些歌手同演員會上節目,其實都公佈了還蒙咩面,認真好笑啊!

蔡琴今次都玩埋一份,好想睇巫啟賢估唔估到。(資料圖片)

不過如何都好,今季的確比上一季卡士強勁,最起碼幾難得見到霆鋒會唱歌,而且仲要唔見樣的確是新鮮的。仲有連蔡琴都邀請到,殿堂級歌手肯玩這個節目就知道節目組落了幾多重本啦。眾所周知蔡琴聲音低音到全世界都知,如果巫啟賢再玩「估唔到」就真係好笑。今季帶評團仍然是陶晶瑩﹑巫啟賢﹑大張偉﹑Ella,我們就拭目以待喇!



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。