氣質女神李靖筠殺入無綫 撈晒三個免費電視台
撰文：洪曉璇
出版：更新：
曾幾何時，想加入娛樂圈，電視箱係入屋嘅好選擇，參加選美、藝訓班、各類電視台攪嘅比賽，無論有獎無獎，都係入行嘅捷徑。不過香港比較特別，藝人唔似台灣內地咁個個頻道都去得，簽左約通常只會喺一間電視台亮相。時至今日，香港嘅免費電視台增至三間，面對ViuTV、奇紗電視挑戰，TVB亦不再死守只捧自己人嘅策略，搵黎唔少外援，如陳瀅經理人約不在TVB一樣劇接劇，新一位會唔會係喺ViuTV曾經拍劇擔正嘅李靖筠Gladys？
Gladys於《三一如三》飾演溫碧霞女兒。(李靖筠FB)
近幾年網絡力量愈趨舉足輕重，唔再係公司捧邊個就紅邊個，唔得網民歡心，有時甚至係捧邊個死邊個……從一D票選女神結果可見，唔再清一色靚女、清純、性感得天下，真性情如魯芬、夏蕙BB，又或者文青FEEL一樣得民心。ViuTV開台後拍劇量唔多但口碑不俗，當中《三一如三》女主角袁澧林被捧為文青女神，同劇另一位女角李靖筠Gladys，都係來自MODEL界，短髮硬朗FEEL原來一樣好有市場。估唔到Gladys居然已經簽約TVB。
2014年仲讀緊中大嘅Gladys，已經入行兼職做model，其中最為人熟悉嘅，係參演許志安歌曲《流淚行勝利道》MV，仲有幸福止痛素廣告主角，於viu TV處境劇《三一如三》，飾演溫碧霞女兒，憑住短髮爽朗形象，加上於劇中不時自彈自唱令人氣急升。
Gladys宜家簽埋TVB部頭合約，之後應該不時有機會見到佢嘅身影。不過網友都好好奇，形象較男仔頭嘅Gladys喺大台適合做邊類型角色，有人話Gladys感覺同蔡思貝有d似，做兩姐妹可能有得諗噃﹗
Gladys拍古裝可能變左咁樣。(李靖筠FB)
大家又覺得兩位似唔似？(李靖筠、蔡思貝FB)
Gladys於奇妙電視劇集《熱戀100天》與林耀聲擔任男女主角。
不過Gladys其實仲有個威水位，就係今年佢接拍奇妙電視劇集《熱戀100天》擔任女主角，同林耀聲有感情線。係少數做勻三個香港免費電視台嘅藝人。比較好奇，遲下奇妙電視套劇出街，Gladys幫唔幫到手做宣傳呢？
+5