【同盟】姚子羚100磅23吋腰圍減肥法:晚晚要飲一壺湯先瞓

撰文:溫菁莉
出版:更新:

TVB正在熱播的劇集《同盟》中,與陳山聰飾演情侶的姚子羚每集都著住緊身裙,仲要同山聰有激吻場面,睇到不少網友都熱血沸騰呀真係!咁又係嘅,化妝同減肥是女仔的終身事業, 子羚就話比較着重底妝,「因為皮膚唔好係好難上粉,所以日常生活中應該注重多啲內裏嘅嘢,調理好身體,皮膚好就會容易上妝。」她透露首先會揀適合自己膚色的粉底,「我的眼妝比較難化,要用半小時。我都想試下現時韓國嘅裸妝。」咁點樣先可以化到個靚妝?當然要先從飲食着手喇!

咁識keep fit,怪不得身材咁好喇!(Instagram圖片)
不要一餐食到好飽,每次食到七分飽就最好喇!
外界經常將姚子羚及王君馨作比較,姚子羚就話對自己有信心,「每個人去處理唔同嘅角色都有唔同,希望大家睇落去先再作評論。」

姚子羚透露在澳洲讀書時是「肥妹仔」一名,體重試過130磅,「那時去讀書好開心,乜都唔理,而且有經常食junk food(高熱量低營養食物,俗稱垃圾食物)。」其後就因為回港工作所以漸漸消瘦,現時只有100磅、腰圍23吋嘅佢,透露減肥秘訣是少食多餐,「我一定會食早餐,同埋我習慣每朝一起身會先飲一杯暖水,然後食一些水果才食早餐。」近年她因為不想殺生和受男友同姊姊的影響而茹素,這個習慣維持了快兩年,「我唔會揀肥膩嘅食物,會食好多蔬菜,而飯我會食一碗仔,盡量少食澱粉質。」

食早餐都咁有規律,咁午餐同晚餐呢?子羚笑言自己其實乜都食,「熱氣嘢同埋汽水都會食和飲,我覺得偶爾間食係無問題,當然唔係叫你暴飲暴食,間唔中獎勵下自己。如果你lunch食少咗,咪夜晚食返多少少,但就唔好有一餐係食到好飽,每一次食到七分飽就最好喇!」拍戲拍得咁辛苦,宵夜一定少不了,子羚指食宵夜係同同事最好嘅溝通橋樑,「因為平時拍劇同事都會一邊食宵夜一邊傾下一陣點拍,但我嘅宵夜就係食菜,唔食油膩嘅嘢,都係果句間中食就可以。食完就一定要做運動。」連宵夜都食得咁健康,真係抵你有23吋腰!

今次子羚係《同盟》中經常著住緊身裙現身~
+10
每日返工帶杯花茶傍身
姚子羚與男友鄭子邦感情穩定,唔知幾時聽到佢地嘅好消息呢?(視覺中國)

而姚子羚就話自己幾夜收工都要飲一壺湯才瞓覺,「其實煲湯就唔難,好多素湯都好好飲,我最鍾意就係紅菜頭粟米蘿蔔湯,好清甜。同埋我每日返工都會帶一杯飲品傍身,例如係花茶,紅棗茶,花旗參茶。」她笑言雖然識煲湯,但就好少煲俾男友飲。除了飲得之外,運動都好重要,眾所周知子羚熱愛跑步,原來間唔中都會去做下Gym,但現在佢最想做嘅運動就係打拳,「因為拍《同盟》都上咗好多堂,我應該會再學,始終俾咗錢,希望唔好唔記得啲動作。」會不會同男朋友一齊跑步做Gym呢?子羚就即刻露出幸福的笑容,「佢會係屋企做運動,我嘅跑步腳多數是李施嬅同豹嫂,之前去澳洲拍節目仲一齊早上去跑!」各位Sis,睇完姚子羚嘅keep fit秘訣,仲唔即刻去試下?!