準新娘唱衰小店唔肯免費借場 李思欣：人地都要交租㗎！
早兩年曾經有港媽以「45個LIKE & SHARE」想換取免費派對攝影服務，成為一時熱話，最近有一間旺區小店café登出長文，指一位準新娘欲以餐飲消費，換取於店內拍攝兩小時婚照，café提出要場租後被準新娘於網上唱衰「無人情味……虛偽銅臭」，事件一出隨即引來數百「嬲嬲」。曾經開過多間食肆的李思欣聞言，亦表示「人地打開門口做生意都要交租㗎，收番錢真係好正常。」
事緣該旺角café於14號上載一篇文章，指近日有很多人專誠到店內拍攝，疑似影靚相放上ig呃like，店員溫馨提示可以先落單要飲品或食物，但大部分人瘋狂拍攝半小時影夠就走，期間並無任何消費，故訂立規則需要消費才能於店內拍攝。
豈料第二日即有一位自稱準新娘inbox店主，指自己與男友於紅磡一家café相識相戀，本想到店內拍攝成長片段，但新娘自稱被店東「張開大口問取大額租場費（按內容是$900一小時）」。之後準新娘再表示於網上對café一見傾心，於是向店主提出希望於周日下午到café拍攝兩小時，強調「不會佔用很多空間」，「婚禮播放時會給予credit」，希望店主允許以餐飲消費換取於場內拍攝權利。
店主回覆實在無辦法免費提供場地，予私人或商業用途的攝影，場地租用價錢為每小時$500，另免費預留前後各15分鐘作setup及收拾。準新娘婉拒後於網上發文，點名指café「無人情味，一切以利益為主……真誠坦白資詢換來虛偽銅臭回應」café隨後於FB專頁登出長文，解釋星期日下午是人流聚集時間，附上與準新娘對話截圖，隨即引來大量網民留言，大部分認為小店要交租收費絕對合情合理，同時於黃金時間$500一小時場租絕不可能與虛偽銅臭有關係。準新娘曾於帖內留言解釋會消費光顧並非「R着數」，亦被網友瘋狂炮轟。
開過多間食肆嘅李思欣，一聽到呢件事都感到有點愕然問：「呢個女仔Artist嚟㗎？」知道整件事來龍去脈後，思欣表示：「自己都係做呢一行，有時做訪問借場拍攝，例如之前我有間日本餐廳，下晝會有落場時間，曾經有藝人或者傳媒開聲想借地方，夾到時間同埋唔影響做生意嘅情況下，落番credit借場拍攝都OK。但呢個case唔同，結婚呢D私人嘢，人地打開門口做生意都要交租㗎，仲要星期日下晝呢D咁旺嘅時間，收番錢真係好正常。」你結婚啫！人地都要做生意㗎！