【流行經典50年】雷安娜因為學生先識吳若希:佢嘅歌好難哼得返

撰文:郭敏玲
出版:更新:

雷安娜一曲《舊夢不須記》眨眼已推出了36年,上至50、60後下至90後,可能因聽家人播碟,總會認識到這首歌。此曲之所以能超越時代轉移,全因本身是小調曲風,容易留在腦海;加上歌詞簡單易記,短短132字清楚交代故事。因此,雷安娜上TVB音樂節目《流行經典50年》,必定會唱這首經典中的經典,勾起不少人對過去廣東歌的回憶。

舊夢~~不須記~~(視覺中國)
36年前嘅《舊夢不須記》唱到連90後都識,雷安娜真係好勁!(視覺中國)

年輕時雷安娜本來從事銀行金融行業,不過她熱愛唱歌,所以參過幾次歌唱比賽,得到當時寶麗金高層陳迪文睇中,試音成功後正式成為歌手。她的第一首歌,是與關正傑的《人在旅途灑淚時》。直到1981年推出首張唱片《舊夢不須記》,其同名歌曲一出,唱到街知巷聞,帶摰唱片銷量超過10萬張。當年只得22歲的雷安娜,便已獲得如此成就。她回想那段日子說:「其實聽返《舊夢不須記》,係小調歌,當時我就得廿歲女好驚carry唔到,首歌好似好滄桑咁,我錄音嘅時候都好吃力,不過好在唔少人覺得首歌用比較細路女嘅方法演繹,有少少情竇初開係OK,我當時真係冇諗過會咁hit。」她也坦言《舊夢不須記》帶給她很多:「呢首歌令到更加多人識我,除咗名利,我覺得一個歌手最緊要係有一首歌令大家記得,而我做到呢件事,我係覺得好幸運。」

不過,雷安娜出道3年後,選擇在最紅時期結婚,後來更退出香港樂壇,移居加拿大,皆因她渴望組織家庭。雷安娜對此沒有感到後悔:「因為我晌香港所得到嘅都真係好多,而且作為一個普通女仔,都會有呢個諗法。」還好她在香港樂壇得到的成就,可以帶到加國,成為了歌唱老師,門下有不少徒弟,她也說:「我其實都真係好好彩。」

自稱是幸運兒的雷安娜,覺得現時入行的歌手,難做很多:「有好多學生都話想入行,但其實歌手係被動嘅,都要講求天時地利人和,所以假如有呢個念頭,如果讀緊書我會鼓勵佢哋讀好啲書先,要真係OK喇,咁至少要確保各種方面、狀態ready先好去落實做。」雷安娜坦言現時香港樂壇比較單元:「風格都唔會太大膽,唔似外國或者國內、台灣咁多元化,有唔同類型嘅歌手,佢哋都有好多fans。反而香港好多曲風都係維持一種風格,比較狹窄。」

她也覺得現時樂壇歌手未有獨特個性:「80年代,會好睇重把聲,一聽聲就會知道係邊個嚟,但而家就好難睇到歌手呢方面嘅character,好多時候佢哋唱歌都會模倣。」至於雷安娜認得出現今樂壇哪位歌手呢?她說:「吳若希喇,因為好多學生都聽佢嘅歌,所以就知道,其他歌手就難啲。(你覺得吳若希唱成點?)就咁聽把聲都可以,但未聽過佢唱live,就唔知。」雷安娜坦言吳若希的歌辨識度不高:「係好聽,但如果要哼返佢最hit嘅歌呢,我未必會哼得出,可能唔係咁留意,加上而家嘅歌太多,hit嘅時間又太短,好快唔記得。」

之後吳若希都有份上《流行經典50年》唱《越難越愛》喎……(視覺中國)