同劉佩玥撻著過夜? 翟威廉:可能性真係唔高

撰文:
最後更新日期:

翟威廉和劉佩玥(Moon)這對緋聞情侶隔一後時間又會有新聞傳出,主要就是1因為他們實在太親密,正宗「Friend過打Band」,因為他們除了真的夾band之外,還會一齊打機、拍戲,甚至飲埋同一包麥精!事緣就是有傳媒拍得他們為《跳躍生命線》拍攝的時候,兩個人竟然好自然地飲同一包麥精,不就是間接鍚鍚嗎?立即就惹來是否已經真正拍拖的言論。

因為拍《跳躍生命線》,佢兩個仲多時間見。(翟威廉Instagram)

對於被拍到跟阿Moon一同share一包麥精,威廉就表示下次會避忌一下,他說:「其實嗰陣都係諗一人一半,唔好嘥嘢,唔鍾意紙包飲品飲淨一半係我嘅習慣。同埋都想澄清一樣嘢,就係阿Moon無可能專登推咗一套劇走嚟拍呢部,我哋都笑咗好耐,姐係好似警隊咁,唔係你話查咩案就查咩案架嘛。加上話佢專登為咗同我做情侶而過嚟呢部劇,但係我呢套劇其實客串吓架渣,係用我帶出阿Moon呢個角色,所以話佢為咗同我做情侶真係好好笑。」

佢哋就不時都會開live。(網上圖片)

同阿Moon傳緋聞多時,其實有沒有機會發展呢?威廉說:「可能性真係唔高,時機唔啱喇,我已經當咗佢係好兄弟,而家都係算Friend Zone。唔會話可惜,唔同嘅關係會有唔同嘅結果,雖然我哋係成日見,但真係好朋友。同埋阿Moon 從來都無喺我studio過夜,話佢過夜呢個推論真係有啲離譜。我嘅音樂Live時間係夜晚十點到十二點,目標係大家瞓前聽吓歌,亦有時會拍攝我哋新電競節目《成炸英雄聯盟》,時間會比較夜,但從來都是一班人。」這些傳聞相信當他們真正有戀情發生的時候就會不攻自破,不過到時對象是誰就不知道了。

威廉呢排成日掛住玩Live,其實仲有無時間識女仔?(翟威廉Instagram)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。