【同盟】衞志豪力追掂阮兒 女神認蜜運：佢喺我最唔開心時開解我
撰文：林通賢
出版：更新：
衞志豪和阮兒因拍《同盟》而認識，男方之後更主動追阮兒。
自《愛‧回家》飾演Pinky後，阮兒即刻入屋，更成為不少人心目中的女神，但最近有傳女神被余詠珊愛將衞志豪私有化了，有報導指衞志豪和阮兒因拍《同盟》而認識，二人都是演主角的少年版，朝多相對後成為情侶，衞志豪更帶阮兒出席校長譚詠麟、三哥、曾志偉等活動，其中譚詠麟一張微博相，不小心洩漏了二人的秘密，相中二人坐得非常親密，阮兒對腳輕靠著衞志豪。
譚詠麟這張微博相，洩漏了衞志豪和阮兒的戀情。
對於和衞志豪拍拖，阮兒表示現在了解中，她接受《香港01》訪問時，說：「我哋係好朋友、唔係拍拖，但佢有追我嘅，都叫做拍《同盟》認識。」阮兒雖然表丕沒有拍拖，但就覺得男方好人，她說：「佢個人好好，好細心，陪我放下狗，喺我最唔開心嘅時候開解我，因為之前拍拖５年嘅男朋友，有咗另外一個仲要係我識嘅女仔，我俾人搶咗個男朋友。」原來阮兒有過這麼不愉快的愛情經歷，衞志豪記住對人好啲喇。
+6