【天鴿襲澳門】振災騷延期舉行 小肥：送水送糧清垃圾先最緊要
撰文：溫菁莉
出版：更新：
小肥一心想為澳門出力，但考慮了各種因素後決定取消振災演唱會。
因為澳門受到天鴿颱風風災，令澳門很多地方停電、停水、停通訊，澳門人小肥（徐智勇）原定在９月１日舉辦慈善騷，為澳門打氣及籌款，但今日他表示將會將計劃延後，他說：「暫時唔會攪一場騷啦，除咗驚俾人話抽水之外，更重要係費事做咗啲嘢，係會在人哋傷口灑鹽，好心做壞事就唔好，而家唔係錢就可以解決問題，而家連最基本嘅嘢都冇，有錢都未必買到水，糧食，街上面嘅垃圾堆積如山，冇人清理，呢幾樣先係最重要問題。」
澳門災情嚴重，今日更有解放軍幫手清理風災現場。（資料圖片）
小肥和其他澳門人一樣，一片苦心為澳門，但災情著實比想像中嚴重，今日有解放軍幫手清理現場，但都有解放軍人員暈倒，証明是一件艱巨的任務，所以小肥和一眾澳門藝人，身體力行開始振災工作，他說：「雖然振災騷就遲啲先攪，但今日開始實行一個行動「澳門演藝人義工隊」，去澳門各地送水、送物資等，可能其間會做啲直播，但目的係呼籲嚟幫手，會再攪，但等呢個城市穩定返先，其實捐款活動都開始，主要集中係重建學校，因為好多學校都被破壞咗，而且又就嚟開學。」