【賤民20】吳海昕做跟得女友 王宗堯唔怕被另一半搜屋

撰文:
最後更新日期:

吳海昕在公屋長大,拍攝場地令她有回到家中的感覺:「以前街坊關係好好,媽咪都會比我喺走廊踏單車,所以我技術都幾好!」

陳炳銓、王宗堯及吳海昕(Sofiee)日前於屯門屋村為ViuTv劇集《賤民二十》趕工,其間街坊聞風而至,要求與眾人合照。劇情講到吳海昕初訪王宗堯屋企,唔覺意發現有女性用品,吳海昕話自己雖然係「跟得女友」,但甚少check男朋友,反而常遭男友偷拍醜態食相上載社交網站!而王宗堯就話自己平時會搵波友、愛貓成為擋箭牌,唔會比另一半搵到蛛絲馬跡:「我屋企好多貓同踢波嘅嘢,所以好難摷。(發現女士用品?)我有好多藉口話唔知邊個瀨低咗,我幫手攞番囉!」

王宗堯及吳海昕於劇中維持性伴侶關係。

陳炳銓表示難忘與王宗堯「半」裸跑戲份,跌落城門河一幕亦令他印象難忘:「開頭真係唔覺有咩問題,點知一潛入去全部都是污泥,三米內範圍都是黑色!(屋企人有冇叫你唔好咁搏命?)咁我工作還工作,都係得導演可以比意見我架咋,咁其實都唔係好搏命,我都打孖上著左兩條底褲先跑,怕走光!」

陳炳銓、吳海昕同王宗堯於劇中,因各自的問題而經常結件行動,誓要有一番作為。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。