【港姐2017.多圖】酒店水著拉筋 6號邱晴勁減10磅:大脾想瘦啲

撰文:郭敏玲
出版:更新:

今個星期日。就是2017香港小姐決賽。進入最後直路,10位佳麗今日本來著住泳裝玩水上擂台。可惜因為天雨關係兼雷暴警告,無緣睇到嬉水場面,只能睇住一眾佳麗著住好似入膊式背心泳衣,成個《新世紀福音戰士》嘅女主角咁,在酒店房表演拉筋…真係好吸引呀…

one more two one,大家一齊跟住我…(林迅景攝)

來到最後一個星期,不少佳麗減肥都有成果,但似乎有點skinny,差不多大部分佳麗都過瘦。不過講到減肥成果最出色,就當然是6號的邱晴(Mandy)!由最初條腰有肉地,短短一個月有腰形。而身型上,5號雷莊𠒇(Juliette)最標準,仲有埋腹肌,影相時不停chok肌。當然有最fit,同時都有冇咁fit,10號的張寶欣(Boanne)相比其他佳麗下圍仲有少少肉地。

+7
Mandy真係瘦咗好多。(林迅景攝)

Mandy聽到不少人讚她瘦了很多,她第一反應就是:「真係㗎?」然後掩嘴笑,心情似乎爽歪歪。她說短短一個月,173cm高的她由最初130磅減到120磅,其實非常厲害,她說減肥從不會節食:「因為做trainning會有好多體力,我驚唔食嘢會暈,所以用咁多體力我都會食啲高熱量嘅嘢食,消耗到之餘都可以有力啲。」。不過她覺得有美中不足:「我都想自己有腹肌,但得返一星期,嚟唔切㗎喇。最想就係大脾可以瘦啲,但呢啲位真係太難減,呢排太忙,泰拳都少打。」減了十多磅其實都辛苦,可愛的Mandy自爆有偷食零食:「都有食少少,但盡量揀啲唔太肥嘅?(有零食唔肥?)朱古力我會揀濃度85%以上嘅,因為會有精神。」原來偷食都好講究。Mandy口才比以前好了不少,她透露有上口才班:「導師覺得我最需要改都係唔好成日郁嚟郁去咋。」

另一方面,雷莊𠒇身型最正,她說本身都有自信:「我一直都有做開運動,但唔會覺得自己贏晒,我都係做返自己要做嘅嘢,但如果其他佳麗需要我,問我意見做咩運動係最啱,我都會幫佢哋嘅。」既然Juliette 咁講,就問一問會點樣幫張寶欣做運動?她說:「如果佢要練肌肉,咁就要做多啲心肺運動,同埋做多啲重量訓練,個啲方法係最快。」

其實佳麗們好多都好fit。(林迅景攝)
同之前比真係瘦咗唔少。
+5

而張寶欣都知道自己仲有啲肉地要減,她略帶尷尬地說:「其實我都覺得我要減下大脾個啲位嘅,但係一個星期都真係好難減得切,冇㗎⋯再努力喇。」問到家姐最近是否忙住拍拖,都冇咩點提供心得,張寶欣說:「都唔係吖,佢好幸福,但我哋都有一齊做運動㗎,不過佢做嘢本身都好忙喇!」