【燦爛的外母】家燕姐新劇換60套衫 唔怕被笑似登基:我Carry到

撰文:郭敏玲
出版:更新:

「唏呀唏呀唏!」如此介紹家燕姐似乎有點過時了。事隔兩年,家燕有新劇《燦爛的外母》終於今晚播出街,早前已經就話過這套劇拍完就火速做後製,一個月極速搞掂播出街。咁趕出街,似乎TVB對這套都有好高期望。

第一集套衫都幾有登基feel。絲巾係必有!

雖然劇集極速出街,但製作非常認真,光是家燕姐一身打扮就知道。家燕早前接受《香港01》專訪時講過,TVB為了配合家燕姐好「燦爛」的角色及性格,特意地訂造了6、70套衫給她,換都換不完。家燕姐做訪問當天,就帶了大約十套衫,有紅藍綠…總之彩虹七色都好似有齊晒。看家燕姐帶出來的衫,就知道TVB厚待家燕姐,又證明到TVB未必是是旦旦。第一集出街後,雖然暫時只得一件衫見人,但綠色上衣加條粉紅絲巾,基本上就是家燕姐日常著衫的pattern,絲巾更是must-buy item。其後片尾的預告,已開始見到家燕姐的衫有不同變化了!

家燕姐時裝預覽:

+4

至於家燕姐著衫向來偏鮮色,被網民笑指她著到似出席「登基大典」,她聽完即哈哈笑說:「其實我好鍾意印度嘅宮殿服裝,所以有啲衫都係訂造,都係參考當地嘅風格。」被人笑似「登基」,樂觀的家燕姐一點沒有介意,仲好開心咁話:「其實著呢啲皇宮衫似登基係好事,都好過畀人話著起龍袍唔似太子呀!都證明我算係carry得到件衫呀!」見家燕姐樂在其中,大家不妨留意下家燕姐係咪真係著咗60幾件登基衫!