【電影新人】陳欣妍放棄穩定收入 北上學戲捱瞓木板床

撰文:
最後更新日期:

24歲的shirley其實很懂得規劃自己人生。(黃國立攝)

睇完條片之後,除了諗起身邊某個女仔特別論盡之外,會否覺得片中女角都好大頭蝦?她叫陳欣妍(Shirley),今年24歲,是影壇新人!Shirley要向大家澄清,雖然有時候她有點論盡,會忘東忘西,不過工作時就會認真,尤其剛剛入行,她笑言一定會打醒十二分精神,幾面懵都會做落去。

就算要睡在木板床,對shirley來說無難度。(黃國立攝)

初出道的Shirley,就拍過三套電影。接著9月,她的新片《我們的6E班》就會上映。不過,Shirley家境還不錯,大學時修讀廣告,好多人都覺得廣告雖然會日夜顛倒,但捱到就會搵到錢,其實好過做演員。為何之前演戲零經驗的Shirley有筍工不做,要做演員那麼辛苦呢?她就傻笑地說:「讀廣告的確係相對比較穩定,但係廣告對我嚟講係second choice,最重要係我嘅夢想,如果我而家唔去做,而機會就係我面前,不如就趁仲後生去試下,唔得先再算喇…」不過Shirley意志堅定,對自己的決定有信心,她續道:「我相信可以應付到嘅,希望可以做到落去。」或者影壇正需要有決心的新人。

Shirley為了做演員,特意到北京學戲,不過就衝動咗少少。回想起當時的「傻事」,她笑說:「上網見到北京有course,就同經理人講,咁佢就畀咗啲details我,之後我就好快,剩係帶咗個細篋上去。點知上到去,死喇,周圍嘅同學都帶齊晒被鋪,我就要瞓係木板床上面。不過啲同學仔都好好,見到我一個人咩都唔帶咁慘,都有借啲被鋪畀我。」讀了個多月,Shirley非常之刻苦耐勞,完全不覺得辛苦。除了北上學戲,她還有跟King Sir(鍾景輝)及黃秋生學戲,對住兩位嚴師,難免有點緊張,不過Shirley可以避過一劫,未試過被鬧:「佢有時鬧都係想鼓勵學生,所以就算鬧我都冇問題㗎!」

陳欣妍在《我們的6E班》的Look好pure好true。

陳欣妍除了電影新人這個朵,還有「JW12億男友Tarzan前度」的稱號。之前她接受過傳媒訪問,講到與對方曾共度患難,因為Tarzan患重病,Shirley曾經專心照料他。雖然兩人最後因為性格不合而分開,男方的病已經痊癒,並已找到新的伴侶,但Shirley都衷心祝福他。事過境遷,Shirley不欲再提過去感情事,只希望可以專心工作,唔恨拍拖。若然真的要挑選伴侶,她說:「我會搵一個真係take care到我,性格好夾嘅男朋友。一來我真係好大頭蝦,好多時真係冇咩記性,如果佢會提一提我,又或者唔介意我咁粗心,已經好好。同埋我都好相信緣份,個時間一到大家無論點都會好夾。」不論點都好,或者因為之前經歷,Shirley都會為對方著想,並非一味要遷就她。

+11
+10
+9


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。