【港姐2017】最上鏡小姐由雷莊𠒇奪得 17歲邱晴無緣五強
撰文:黃梓恒
出版:更新:
港姐嘅推進速度愈來愈快,「最上鏡小姐」又要頒發喇,上屆的得主兼亞軍劉穎鏇理所當然是頒獎嘉賓喇。一眾佳麗穿著著名設計師Koyo William設計秈「夢幻花園」系列晚獎出場,特別有一個人著得特別鮮艷,就係5號雷莊𠒇,個個都白色淺色佢就整件鮮藍色。結果就呼之欲出,真係由佢拎到「最上鏡小姐」,不過賽前不少人話佢咁樣麻麻地,只係得個身材,相信結果都拎唔少人跌眼鏡。
最上鏡小姐由雷莊𠒇奪得。(電視圖片)
又係嗰句,港姐開心之後就會係傷心,頒完一個獎之後又要Foul人,今次由十個減到五個。結果由3號梁雯蔚、6號邱晴、9號金美黎和10號張寶欣爭奪一個晉身五強的位置,最後由10號張寶欣僅僅險勝,打低勁敵邱晴,進入五強。所以最後五強的名單是1號何依婷Regina 、4號黃瑋琦Emily、5號雷莊兒、8號伍樂怡Kelly和10號張寶欣Boanne。