【爸爸去哪兒】陳小春吳尊趕山西錄影 冠名費升幅20倍點能唔拍?

撰文:
最後更新日期:

杜江、吳尊、陳小春、劉畊宏,鄧倫今早已去到山西進行錄影。(微博圖片)

內地真人騷《爸爸去哪兒5》今季找來陳小春父子,劉畊宏父女、吳尊一對仔女參演,日前先傳出由於節目過度消費明星子女,被廣電總局下令禁播,搞到唔少粉絲都十分暴躁,但隨即又有很多路人「巧遇」並「有圖有相」指出節目全隊人馬於山西錄影,而心水清嘅人亦都知道《爸》早於去年已改喺芒果TV播放(芒果TV為湖南廣播電視台旗下的互聯網視頻平台),難怪被網民質疑所有嘢都係節目嘅宣傳技倆。

吳尊14年同囡囡Nei Nei錄影《爸》,今季連囝囝Max都下海,一拖二唔知佢搞唔搞得掂。(微博圖片)

其實內地嘅「限童令」早在2015年已經有,表面上影響唔少節目製作,但一睇到冠名金額,就點都會諗到辨法。以《爸》為例,第一季由於不被看好,冠名費約為2800萬(人民幣),拍馬都追唔上《奔跑吧兄弟》、《我是歌手》,直到節目開播之後,冠名費即時攀升到2億,去到第三季時,冠名費已經係5億,短短幾年升幅20倍,有誰不心動?

藝人方面,曾經有傳林志穎父子錄影第一季時,二人出場費為6百萬一集,而第三季嘅劉燁父子出場費更係逐日計,實收450萬一日,而因節目名聲大噪嘅男模張亮,當初出場費只得5千,到節目開播後,即時急升160倍至80萬,如此收入可觀的親子活動,試問邊個會拒絕?



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。