【港姐2017】冠軍唔夠「香港」? 雷莊𠒇:細個會同爸爸去大牌檔

撰文:
最後更新日期:

2017年香港小姐雷莊𠒇Juliette。(黃國立攝)

2017年香港小姐競選剛於9月3日順利完結,最後經由鄭裕玲Do姐「神聖」一票選出今屆港姐冠軍雷莊𠒇(Juliette)。話就話係選舉,但係認受性就好似唔多高。雖然賽果已經「塵埃落定」,眾多網民的評論反而有增無減。日前港姐冠軍雷莊𠒇的一段影片出現後,更有火上加油嘅感覺,大批網民更由討論區移師到Juliette的Instagram內直接追擊。網民批評不外乎是外表樣貌似賓賓,不懂中文廣東話,回流香港代表性不足,「不如唔好叫Miss Hong Kong,叫Miss TVB好過」云云。

Instagram上的留言,勁多嬲嬲...(網上截圖)

面對大批網民haters,雷莊𠒇一於好少理,實行你有鬧,我有我出活動。呢幾日仲瞓得好好,唔受影響添。雷莊𠒇接受《香港01》訪問時表示:「我覺得個地球咁大,咁多意見,唔可以please到100%啲人。(你覺得自己please到幾多%嘅人?)哈哈,咁就好難講,因為我嗰邊加拿大有好多人支持我,依度都好多人支援我,我都知有好多人唔開心因為我攞咗冠軍。都係嗰句,人人都會有自己意見,係啱嘅。(即係幾多%?)I realy don't know,答唔到你。」

多人攻擊,但係心情仍然輕鬆。(林迅景攝)

網民言論其實都是說這位應屆香港小姐雷莊𠒇不夠「香港」。在《香港01》訪問中,Juliette就有自己見解:「我覺得香港係一個好international的城市,每個人都有唔同background,都係唔同地方返嚟,所以我可以代表到唔同culture嘅香港人。其實我喺香港住咗10年。細個都會同爸爸去好多大牌檔食嘢,我好鍾意食椒鹽蝦同埋通菜。Daddy成日都會嗌蒜蓉蝦,食好多seafood。」

雷莊𠒇Juliette與家人。

不過香港人有時候睇人都幾表面,第一眼通常都係睇個樣先,所以網上負評都是集中在樣貌身材上。但雷莊𠒇似乎又很看的開,她解釋道:「我明白香港人係有好多expectation,我的臉同身材係鬼妹啲,不過我係100%中國人。Daddy係澳門返嚟,Mami係香港人,所以我始終係一個中國人。(你perfer自己係中國人定華裔?)梗係中國人啦,我好proud of 自己culture,只不過我細個去咗國際學校,所以冇咗個感覺囉。」

鍾意邊個多啲?(林迅景攝)

+15
+14
+13


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。