【生日快樂】黃子華57歲生日　今年有機會返TVB拍劇？

黃子華今日57歲生日喇，生日快樂！作為香港棟篤笑霸王的子華神，自從2014年開完《唔黐線唔正常》棟篤笑，就未有又開的意圖，事關他都表示過，香港近年實在太多不偷快事件，連佢自己都已經無辦法搵開心的事來說，所以都唔知下次開show究竟要等到什麼時候。不過除了棟篤笑，子華神上年都做了《前度》的舞台劇演出，跟佘詩曼主演的電影《棟篤特工》亦已經拍完等待上畫，相信粉絲好快就可以等到子華神的演出。

至於劇集，自從2013年《My盛Lady》之後就再未有劇集上映，不過有未經證實的消息表示子華神已經跟TVB傾掂開拍新劇，真係令人好鬼期待。近年每次一有新劇，主題曲都一定由佢自己親手包辦，因為子華神其實心底裏都十分之喜歡唱歌，出過幾張唱片之外，亦有一隊樂隊叫「哈痞樂隊」，由他、陳嘉健、徐協倫和陳學明4人組成。除此之後，如果有留意開他的棟篤笑，他亦經常會在show內獻唱，看得出他心裏面唱歌嗰團火仍然在燃燒，唔知今年他的生日願望會否是唱更多的歌呢？