【同盟】郭鋒爆Seed演活喪子之痛 網民力推為最佳男配角
撰文：洪曉璇
出版：更新：
尚有一星期，TVB劇集《同盟》就會大結局，劇情愈來愈緊湊，戲中死嘅人亦愈來愈多。前晚楊證樺黃長興為救細妹姚子羚雙雙被殺，最新播出一集，飽受喪子之痛嘅郭鋒搶晒戲，心痛、內疚、自責、悲憤多種情緒盡湧上心頭，睇見韋爺咁傷心，觀眾們真係隔住個MON都戥佢心噏。
郭鋒演活白頭人送黑頭人嘅悲痛。(影片截圖)
昨晚播出第22集，劇情講到郭鋒自責害死兩個仔，同盟其他成員更到靈堂踩場，佢地偷走楊證樺黃長興屍首，逼郭鋒讓出公司股份。等到儀式將開始正當郭鋒準備妥協簽約轉讓股份時，幸好女婿陳山聰及時尋回靈柩送返靈堂，令喪禮可以順利舉行，郭鋒撫棺爆喊一幕令人心酸，網民邊睇邊激讚:「年尾最佳男配角非韋爺莫屬﹗」
劇集出街以來，監製文偉鴻一直活躍於社交平台，除了叫大家留意陳展鵬與胡定欣的爆點，都好用心地介紹劇中其他專業演員及綠葉。佢亦專誠寫左一篇大讚郭鋒演出：「每次看到網上讚賞鋒哥演出的評語，我都內心矛盾，本應跟他開心分享，但又怕打擾他，所以每次同事問我要否邀請鋒哥出席宣傳活動，我都一一拒絕，我覺得鋒哥需要的是空間。」文偉鴻講緊嘅，應該係顧及郭鋒剛喪妻嘅心情。
監製文偉鴻大讚郭鋒演出。(網上截圖)
「到了第十集播出韋爺和令熊在奠基典禮中對決的戲碼，好評如潮，我便鼓起勇氣將觀眾的支持說話以短訊傳給鋒哥。不久我收到鋒哥的回覆，言詞令我安慰，我知道鋒哥不久便會重拾光彩，捲土重來。鋒哥，我和廣大觀眾都支持你！繼霍景良、韋磊之後，定必再有無數經典人物等你塑造！」
鋒哥，大家都等緊你恢復心情，再返嚟幕前拍更多好戲架﹗
郭鋒真係眼神都充滿戲呀﹗(影片截圖)
+5