【澳門小姐起底】麥嘉欣好唱得 組「飛彈兄妹」參加《星光大道》

撰文:
最後更新日期:

剛過去星期日播完嘅《香港小姐競選2017》都算是係今個星期嘅熱門話題之一,因為冠軍雷莊𠒇(Juliette)似乎就未能獲得觀眾嘅愛戴喇,更有不少網友到Juliette嘅Instagram留言,日前她在網上直播中仲被指態度囂張。今日就有網友揾返2017年國際小姐嘅澳門代表麥嘉欣(Sofia  paiva)作比較,咁又難怪嘅因為Sofia係澳門土生土長廣東話超流利,比起Juliette嘅英文難免會有比較,網友仲話見到Sofia感覺到有春天嘅氣息,認真誇張!!!

細嗰已經咁靚,大嗰之後仲靚!

+7
+6
+5

今年20歲嘅Sofia(全名:Sofia vanessa dos santos paiva)身高5呎7吋,係澳門土生土長嘅佢現在係聖若瑟大學讀心理系,更將於11月14日做澳門代表參加係東京舉行的國際小姐競選。睇返資料佢就話希望成為一位成功的心理學家,有中葡血統嘅Sofia現職為大學生兼模特兒,係佢個人Instagram中有不少靚相。

sofia同男友Kelvin經常係Instagram放閃,大家不要心碎。

Sofia仲係周柏豪嘅鐵粉,仲係演唱會成功集郵~

但以下嘅消息大家可能要心碎了,皆因Sofia已有一位拍拖一年嘅男友沈柏彤(Kelvin),早前仲一齊去泰國旅行。而現時做藝人嘅Kelvin除了做司儀之外,閒時都喜歡唱歌,唔怪得之同Sofia咁啱key喇,因為Sofia都好鍾意唱歌,今年5月仲代表學校參加全澳大專院校歌唱大賽,係比賽嘅拉票活動中仲同同學一齊以acapella 方式唱出Beyond嘅《Amani》,名符其實嘅人靚聲甜!!2015年仲同過哥哥一齊組成《飛彈兄妹》參加台灣歌唱比賽選秀節目《星光大道》嘅海選,仲唱陳小春嘅《我愛的人》,最後順利進入最後40強。

據知,兼職模特兒嘅Sofia曾在電影《賭城風雲III》做過臨時演員,而佢亦係周柏豪同謝安琪嘅die-hard粉絲,Sofia不時與「海報」中柏豪影合照,但重要嘅係柏豪2015年係澳門開演唱會,Sofia終於成功與男神集郵!!

Sofia曾係電影《賭城風雲3》做過臨時演員,考下大家眼力睇下揾唔揾到佢,BTW估中係無獎的。

+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。