【國際小姐】純港女王詠珩瑪利曼畢業 代表香港出戰:想國際性啲

撰文:
最後更新日期:

模特兒出身嘅王詠珩被選為2017年國際小姐香港代表。

同過東方昇拍廣告。(IG圖片)

港姐告一段落,雷莊𠒇(Juliette)盡失民心,有網民就搵返代表澳門選國際小姐嘅Sofia出嚟比較,其實在這個由「澳門選美連盟」舉辨的活動上,仲有一位香港代表--王詠珩(Wing Wong),都會在11月去到東京Tokyo Dome City Hall,與超過70位來自世界各地的冠軍級人馬角逐后冠。

其實以往香港代表都係由香港小姐做代表,但TVB在2015年開始唔玩,轉由澳門選美連盟負責選出香港的靚女參賽,話晒國際小姐是全球三大選美盛事之一,王詠珩有港姐都唔選,一選就選個最勁嘅比賽,確係明智。今年23歲的她於名校瑪利曼中學畢業後,去到英國薩塞克斯大學修讀媒體研究,高䠷身形(5呎8吋)令她早在中學時期已被星探睇中,但為怕阻礙學業,所以她只做part time模特兒,拍過7-11、麥當勞、銀行以及KFC等廣告,到前年畢業後,王詠珩隨即返港全身投入模特兒事業。

同江嘉敏因為一齊工作而認識,不過王詠珩話一開始覺得江嘉敏有少少cool,但識落有一拍即合感覺。(ig圖片)

對於參選一事,王詠珩接受電話訪問時,就表示其實是一場意外。「本身係一個model朋友去咗參加呢個比賽,有日做嘢時佢問我有無興趣去玩,話之前俾咗我張相給選美主席睇,佢哋想同我見面,家人嗰陣仲笑我點會贏。」王詠珩指選美過程只需進行面試,泳衣環節欠奉,但由於面試是分開進行,所以對手有幾多人,她亦不太清楚,為了備戰11月的賽事,王詠珩每日都要上堂惡補catwalk、化妝、談吐等技巧,她笑言之前試穿過一對6吋高跟鞋,踏出第一步就差點仆倒。問到可曾想過參加香港小姐?王詠珩就話暫時未打算,「參加選美比賽係因為可以代表香港走向國際,認識多啲外面嘅世界,呢個係好好嘅機會,同係一件值得驕傲嘅事情,所以會比較希望參與國際性嘅比賽多啲。」另外,王詠珩亦表示有留意今屆港姐,但由於節目時間只係兩個多小時,好難判斷有無質素下降。其實單係睇王詠珩嘅談吐,相對雷莊𠒇,已是稍勝一籌。

王詠珩已經有個拍拖兩年嘅男朋友,佢話男友知佢參加選美,最擔心係會有性感打扮。(ig圖片)

+14
+13
+12


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。