TFBOYS王俊凱返學遭狂迷圍觀　老師：有多遠滾多遠！

TFBOYS紅遍大中華地區，成員王俊凱更因為考入北京電影學院（北電），做趙薇、黃曉明、楊冪學弟，而為成焦點，或者係因為王俊凱早已表明「少接通告，專注學業。」結果大批粉絲為見偶像一面而日日駐守校園，對師生造成極大滋擾。

先講開學當日（2號），王俊凱為避開粉絲，所以選擇一早去進行新生註冊，到開學禮當日（5日），大批粉絲混入學校禮堂並瘋狂拍照，結果迫到王俊凱忍唔住開口：「你們幹嗎呢？」嬲到出面，但粉絲一於少理，之後王俊凱只要外露於課室以外的地方，都繼續遭到圍觀，而他所住的宿舍，亦因為名單外洩而成為景點之一，最過份係有網紅，藉口幫王俊凱室友打掃，而走入房間瘋狂留倩影兼做直播，更於微博留言：「坐了小凱的床」，真係慌死人唔知佢同王俊凱「同床」。

而一位疑似是北影的老師，見到校園變動物園，終於忍不住於朋友圈大罵，表示自己只為熱愛電影的人而走上講台，如果係嚟搞搞震的話，「有多遠滾多遠！有多遠死多遠！」粉絲行為，偶像埋單。而網友意見各走極端，有人認為老師言行太過份，更指老師想引人關注，但亦有人認為老師其實係鬧緊粉絲，而非王俊凱，更叫一眾粉絲好好反省。