【壹號皇庭】經典主題曲係監製鄧特希揀:揾人重新用色士風吹一次

撰文:
最後更新日期:

《壹號皇庭》在1992年首播,逢星期日夜晚10點播放,監製鄧特希表示《壹》劇當時帶點實驗性質,想不到成為經典。

緊接《天地豪情》就到1992年劇集《壹號皇庭》重播,這套無綫經典律師劇,深入民心,25年後今日再播,一聽到那幾下Saxophone,即刻有晒畫面,其實這首歌是英國樂隊Dire Straits,1986年出版的名曲《Your Latest Trick》前奏,而無綫當年用純音樂做劇集主題曲,對比以往真的十分破格,《香港01》找了《壹號皇庭》監製鄧特希,他說:「拍《壹號皇庭》之前好多年,有次上朋友屋企,聽到Dire Straits《《Your Latest Trick》呢首歌,個前奏好正喎,一直都記住,到開拍呢套劇嘅時候就決定唔用主題曲啦,因為當時覺得如果夾硬加咗啲歌詞落去,好似唔夾套劇,咁跟住同music director傾,我就話不如直接用呢首歌嘅前奏啦,但嗰陣又好奇怪喎,個世界好似冇版權呢樣嘢喎,music director又話得喎,咁就用喇,咁當然唔係咁狼,直接攞人嗰段,佢揾人重新用Saxophone吹一次,之後再一直用落去。」

唔知Dire Straits知唔知佢哋首《Your Latest Trick》,喺香港原來咁hit。

《壹號皇庭》現在成為經典劇,但當年原來無綫當實驗劇處理,放在星期日夜晚10點播映,亦是神劇監製鄧特希第一套劇集,他說:「坦白講呢個劇當時係嘗試嚟嘅,70年代仲有週播單元劇,80年代開始就冇哂,當時公司又想開拓返呢個時段,對市場上、公司嚟講都係稍為新啲,呢個時段又唔係十分黃金時段啦,所以當時就算珍姐(戲劇總監曾勵珍)都冇咩意見,某程度上都係有啲試驗性質,演員亦配搭新,當時一班主要演員,係有經驗但未試過全部一齊擔正做一套劇。」所以一套有質素的劇集,就算放在非黃金時段,一樣有收視口碑,就好似現在的《踩過界》一樣,而鄧特希亦講了不少關於《壹》劇的趣事,包括自己為了攞料,做資料搜集,假扮師爺跟律師開工,仲要同毒犯講數,請留意下一段訪問喇。

+2
+2
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。