這對小情人，將於5月製造自雙賢（全知賢與金秀賢）之後的超級「韓流」襲港。韓劇《太陽的後裔》走勢強勁，劉大尉的冧女仔功能更是收放自如，睇到觀眾又愛又恨之餘，都不禁想問飾演劉大尉的宋仲基，現實中是否如此直接。嗱！機會終於來了，因為宋仲基同宋慧喬已鐵定下月5日來港為ViuTV開台造勢之餘，亦為他們現已在ViuTV播映中的《太》劇宣傳，兼會見傳媒及粉絲。之不過，雙宋幾時到？又或者還有沒有其他行程呢！有關方面就說仍在安排當中。自從劉大尉面世後，宋仲基無論點樣都係型仔靚仔。