【同盟】最忠心卻要慘死　最正直代表原來係大奸角

話說，《同盟》已經進入最後兩集，昨晚令小姐（鮑起靜飾）的假死假得太真，結果被金天（江美儀飾）發現，之後預告見到子杰（陳展鵬飾）插了Kent（陳山聰）一刀，雖然子杰眼神十分兇狠，不過相信聰明的觀眾已經估到他們是利用苦肉計，騙過金天。

正當大家還在估誰是Final Boss的時候，本劇監製文偉鴻就突然之間爆料，因為很多人都會估易先生（歐瑞偉）是終極大佬，不過監製在Facebook放了一條片段，就是易先生被人架刀在頸，生命危在旦夕，而令小姐亦都「死過翻生」，眼白白看住自己十分著重的保鏢有危險也幫到了忙。而根據流傳出來的消息，易先生將會在今晚被金天的手下處決，直到死的一刻也是在保護令小姐，原來Final Boss唔係佢喎！

以下有劇透

咁究竟邊個先係Final Boss呀？話說姚子羚昨日就在Big Big Channel開Live，都有不少人追問令小姐究竟會唔會死，答案當然是官方套路答案：「唔講得。」不過佢都有話其實仲有Rainman，亦有話自己的角色Kate係唔會死，但係收到風Kate在今晚將會與子杰反目成仇，因為子杰對Kent做了一些很差的事。講到子杰係咪會變奸，子羚就好有意味地話要繼續留意，不過佢話自己一定唔係Big Boss，咦！咁睇嚟展鵬係Big Boss嘅機會最大喎！