【後生仔傾吓偈】馮盈盈有圖原來無真相 港姐自爆：我天天都P圖
撰文：洪曉璇
出版：更新：
i PhoneX剛剛發布，加入面容辨識解鎖功能是一大賣點，不少網民笑言生眼瘡、爛面唔知開唔開到機，萬聖節cosplay完有無電話用。而女士們化妝前後差別甚大，以前話有圖有真相，經過一大輪化妝再修圖，宜家真係眼見都未必為真，素人如是，就算係香港小姐冠軍都一樣，馮盈盈更坦言：我天天都P圖﹗
《後生仔傾吓偈》開播以來話題不絕。(影片截圖)
無綫節目《後生仔傾吓偈》開播以來一直話題多多，陸浩明拍住兩位港姐冠軍麥明詩和馮盈盈(Crystal)，加上一班年輕人傾談貼地話題，雖然於J2播出但一直都頗受歡迎。在昨晚一集，圍繞化妝為題展開討論。做幕前基本上由踏出家門一刻，已經要以最佳狀態示人，預咗隨時被影，估唔到立刻挑起麥明詩和Crystal的慘痛回憶，剛好，兩位都在港姐決賽當日早上踩地雷。
兩位港姐冠軍都曾因素顏，上咗慘痛一課。(視覺中國)
麥明詩憶起參選港姐決賽的慘痛一課：「決賽朝早記者最鍾意企喺一廠門口守候，當日早上我沒有化妝，因為不想化妝又卸妝傷害皮膚，希望將最健康狀態留到晚上決賽展現，當天早上就輸了」此時Crystal即身同感受捉實麥明詩雙手：「我都中咗招呀﹗因為我想保持最佳狀態，搭的士時敷著面膜，剛除下面膜全面聚集了精華、最閃亮潤澤時，一打開門就被拍個不停，張相仲要被寫成油到反光，其實嗰D係精華嚟架囉！」
面膜精華同油光滿面，其實只係一線之差。(影片截圖)
化妝影相都仲見到厚唔厚粉，辨認真實度有幾高，本世紀最邪惡嘅發明，應該係修圖Apps，Crystal都話：「我天天P圖。」麥明詩即時表示讚同：「簡直係興趣，逐粒暗瘡去點，我唔會同嗰個一按鍵全部修正嘅功能，必須要手動，因為要保留少少瑕疵。」Crystal接力分享：「有時可能生左粒暗瘡，化妝遮蓋不了的臉部瑕疵，唯有出電子科技去「矯正」。只係修正鏡頭上問題，其實都係想將最真實一面呈現出嚟」咁，生暗瘡都係人之常情，如果照po原相，大家仲會唔會俾個like？
呢兩張相，唔知又有無P過呢？(Facebook圖片)
+12