【賤民20】吳海昕擺性感甫士嚇到小狗狂吠 「佢妒忌我靚過佢」

撰文:
最後更新日期:

吳海昕自覺呢個甫士叫性感……

吳海昕(Sofiee)於Viu Tv劇集《賤民20》飾演自甘墮落女生,早前拍攝時,導演臨時要求她色誘甘草演員莫偉文,Sofiee笑言擺post駕輕就熟:「其實都係要我搞笑為主,不過導演話要S、蛇腰嘅姿勢,我都唔敢食宵夜,費事拍個陣要縮肚!」

狗女唔多理會王宗堯,吳海昕見狀十分高興。

之後,王宗堯和吳海昕要與狗女做對手戲,由於片場人數眾多,初期令小狗緊張狂吠,嚇到吳海昕花容失色:「我本身係好驚狗,佢一吠我腳都顫晒!呢隻狗仔係人都吠,不過就有唔同含意,吠我呢就係妒忌我靚過佢,吠王宗堯就係拒絕佢,Greg終於有異性會請佢食檸檬啦!」

神級命水嘅王宗堯,對於被請食檸檬一事顯得無所謂,不過,就令他就想起同愛貓相處之道:「那次見貓貓撲向四腳蛇,我梗係抱起佢阻止啦,點知就咁被佢抓到隻手傷晒!其實同小動物相處真係要耐性,好似今晚同狗仔做對手戲,你要慢慢氹佢先得,如果唔係NG就大家辛苦!」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。