【使徒行者2】袁偉豪接王浩信棒　演天堂哥接捧做騷肌王

《同盟》倉卒做完，今晚《踩過界》就接棒再嘭嘭聲做完。不少網友都率先看過《踩》的大結局，相信都不會有太大驚喜。所以，是時候move on了！TVB近期鋪天蓋地播晒Trailer宣傳《使徒行者2》，準時過鬧鐘。見到一連串預告，除了見到TVB為剛加入星夢做一哥周柏豪造勢，唱主題曲兼揼本拍埋音樂微電影之外，同時發現「Show肌王」王浩信後繼有人喇！之後時間交由袁偉豪接力，繼續為女觀眾帶來視覺衝撃。

之前講過「人類無法阻止王浩信騷肌」，《不懂撒嬌的女人》做Saving喺街騷，ok fine，但連《踩過界》喺法庭又騷，真係想講：「完喇好嗎？」騷足咁耐，係時候都要唞下，但TVB又點會有騷肌真空期？所以今次委派另一位小生袁偉豪在《使徒行者2》晒靚肌，不惜以白色泳褲示人！

係呀！你冇聽錯，亦都冇睇錯！袁偉豪在預告片裡，化身成為「天堂哥」。一開波就見到他穿上白色泳褲上水，其後身邊不乏異性氹氹轉，短短十秒已經好多嘢睇。不過肌肉點會只show一次？見到記者會及預告片，有袁偉豪的場面，大多都是赤裸上身，落街一曬、與翠如bb有感情線又曬，畀人照顧又再曬一曬，女士們真係少啲定力都唔掂。這又難怪，袁偉豪操得一副好身形，不炫耀一下又好浪費，所以大家放心，袁偉豪與王浩信都會走同一條路，曬肌everywhere！

正呀喂！完美袁偉豪圖集：