【踩過界】網民力捧王浩信攞視帝　朱千雪：佢係視帝嘅材料

《同盟》之後緊接《踩過界》，這套原本週六、日播的劇集，昨日正式平日播放，雖然該劇國內已播映完畢，但粉絲似乎不介意再睇一次,更有人在討論區開post【推到singal攞拎視帝】還有20頁留言，大家都非常支持王浩信拿視帝，更覺得他已超越陳展鵬，但大家擔心《使徒行者2》首播，加上台慶劇《溏心風暴3》上映，一套有三哥、陳豪，另一套有黃宗澤、夏雨(雖然都有王浩信，但戲份不是男一)，王浩信最終命運和上年《EU超時任務》一樣，贏人氣但失獎。

王浩信今年可唔可以做視帝，就要12月先知，但拍檔朱千雪就力撐，她說：「佢喺我心目中已經係視帝，佢今次飾演一個盲人，其實一啲都唔易㗎，因為觀眾一睇就知你演得似唔似，我知佢落咗好多心機，呢啲我相信大家都係睇到，我喺bigbigchannel直播都有講，我同網民一樣，都想推到佢攞視帝，第一步就希望喺海外攞咗先啦，之後返嚟公司台慶啦，拍《EU超時任務》嗰陣我已經覺得佢好好，佢係視帝嘅材料，幾時都好啦，佢係一定會攞到，無論係今年定下年，佢努力一定有回報，我都希望觀眾都會投佢一票。」嘩！提名名單都未出，朱千雪已經為王浩信拉票，呢位拍檔真係唔話得。