【使徒行者2】古明華11月離巢唔做「親生仔」:仲有幾個月俾我諗

撰文:
最後更新日期:

《使徒行者2》今晚隆重首播,除了有卓Sir苗僑偉、仲有「3豪」陳豪、袁偉豪、周柏豪,其中飾演有卓Sir旗下臥底嘅古明華(古佬)亦是去年不幸染上傳染病後首部復出拍攝嘅劇集,近日就有報導指古明華將唔再做TVB「親生仔」(即經理人合約),變成藝員合約。古明華接受《香港01》電話訪問時就表示,「考慮緊之後係要用咩形式合作,仲有幾個月諗,暫時都未定!」

2012年,古明華憑《巴不得媽媽》「蘇基」一角贏得最佳男配角,佢旁邊仲有當年憑劇集《拳王》奪得最佳女配角獎項嘅胡定欣!(視覺中國)

當年古明華係《巴不得媽媽》中演繹蘇基一角,獲得唔少觀眾都喜愛。

有不少觀眾都認為,古佬自從五年前憑電視劇《巴不得媽媽》「蘇基」一角贏得台慶頒獎禮後「最佳男配角」獎,作品似乎比以前少,不少觀眾都替他可惜。但古佬就有另一個睇法,「我又唔覺得少咗作品,雖然量係少但質素好好。例如我做嘅角色係重要左,一年就唔可以好多部劇。相反我之前如果做嘅角色唔太重要,可能一年拍10-15部都唔出奇,而家我就一年拍3-4部咁。(係TVB近年算唔算捱得好辛苦?)好難講話辛唔辛苦,有時你捱得開心又唔覺得辛苦。反而開唔開心緊要啲,開心嘅時候你會覺得唔辛苦,唔開心就算做幾輕鬆嘅工作都覺得辛苦,就係咁樣。」但究竟當中發生了咩唔開心事時,古佬就未有透露。

講到古明華,一定要提佢係電影《國產淩淩》萬能gif圖。

提到近年有不少原本在TVB拍戲嘅演員都轉到內地發展,據知古佬前幾年亦有好多登台外快,收入亦相當不錯。古明華就話唔會因為見到其他人內地多工作就跟住北上,「究竟會唔會返大陸工作都未決定,邊度有工作就去邊度。」但古佬五年前贏得「最佳男配角」獎後,TVB就將其合約變成經理人合約,而登台工作當然要經TVB批准,多了掣肘之餘首當其衝當然係收入相比以前無咁多。問到隨着囡囡今年即將升大學,負擔應該減輕了不少,但他直言支出仍有好多,「佢都有返Freelance,雖然係大咗但又未嫁洗費都多,要整頭髮整面都要錢,啲錢都係我嘅,所以洗嘅錢會多啲。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。