【未來還未來】RB 主音6號孖老婆執導新劇:係好機會迫自己去試

撰文:
最後更新日期:

「由畢業到現在都沒有離開過幕後,寄望自己可以寫劇本更叻。」講得到做得到,6號特意接下Viu劇了解一切。(張浩維攝)

Viu新劇《未來還未來》起用一班新演員劉俊謙、岑樂怡、Daisy(羅伊婷)、黃奕晨做主角,但早前探班時,卻見到RubberBand主唱繆浩昌(6號)於現場賣力打理大小事務。6號於訪問時透露《未》是由太太阿甜所執導,他原先亦計劃與太太分工合作,奈何跟Viu另一拍攝中的新劇《身後事務所》撞期,所以他只能盡量抽空。「你問我做咗啲乜?呢套劇有好多串星,盡碌自己張人情卡,佢哋嚟拍攝時,我負責招呼。太太會辛苦啲,因為劇本係佢寫嘛。」

6號特地跟《身後事務所》請假去幫太太執導嘅《未來還未來》,跟足全日無怨言。

6號說自己早前年曾在港台擔任PA一職,除有機會拍攝片頭部分之外,亦對幕後工作有一定了解,後來組成了RB後,為了糊口與太太開設的工作室,不時拍攝RB的MV。「摸到條路係點行,但拍短片或者長片未有好多經驗,今年係好好機會迫自己去試。」他說自己接《身後事務所》的最大目的,就是為了解個劇本應該用什麼方法呈現。由於自知寫劇本是弱項,所以《未》的話事權全部落在太太身上,他又說雖然《未》只得十集,但對他們來說,已經是個大project。「會有意見不一時候,但我都識做,因為自己唔係傾好多,加上太太管理好過我,我做的話會好弱雞,之前拍MV多,呈現方式跟劇唔一樣,慢慢來吧,我當作是一個新挑戰,希望之後可以實現更多。」

新一代男神劉俊謙,已經簽約6號太太做其經理人,新劇自然有份演出。(張浩維攝)

問到拍劇一事,可會影響樂隊的工作,6號想了一會表示:「隊友體諒係好重要,真心想focus在樂隊上,但人就係咁矛盾,想試的東西很多,試完就會知那一樣係自己最初衷,而自己目前都係想做同音樂有關的東西或者幕後,因為可以講到自己的故事。」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。