【使徒行者2】主角級演員都冇面俾 只得一集戲全部炸死晒？
撰文：郭敏玲
出版：更新：
《同盟》告終，《使徒行者2》緊隨接棒，開展了長達幾個月的50周年台慶劇檔期。《使2》今晚先出街，網民就已經開定post「競猜誰是臥底」，就同《同盟》估邊個係final boss有異曲同工之妙。不過《使2》的製作勁咁多，監製、編審都話劇集直逼電影級，所以陣容方面都好似勁幾倍。
平時見到洪永城，佢都係做開主角，點會估到佢一集就玩完？
下文含劇透慎入 :
連詩雅第一次拍劇，有一集戲份，又有得去泰國拍攝，好好㗎喇！
講到明勁幾倍，除了主角苗僑偉、宣萱、陳豪等大粒嘢之外，得一集戲份的演員其實都幾勁㗎。就好似洪永城同古明華，佢哋分別做過男主角，又拎埋最佳男配角。在劇中有幾個拍檔，有第一次拍劇的連詩雅，新一代小生花旦楊潮凱及何雁詩。這個配搭都可以話係主角級數，橫睇點睇都唔會一集就收工。點知真係！喺三哥面前，一樣冇得留低，第一集在泰國曼谷拎走黑幫頭目黃德斌的犯罪證據後，三哥滿心歡喜香港警方報喜時，突然有場大爆炸。除了三哥，其他「主角」全軍覆沒！真係快到冇朋友。於是者，三哥被停職接受調查，故事就係咁開始。
一班人臨拜拜都仲玩得好開心。