【那年花開月正圓】何潤東國民好老公　老婆講一句半夜即撲出街

古裝大作《那年花開月正圓》繼續熱播，何潤東雖然演出一半都無，但佢飾演嘅吳家少東吳聘溫柔體貼，深受觀眾愛戴，成為新一代「國民好老公」，他之前更講笑咁話，擔心老婆Peggy會要求佢要做到吳聘咁，並表示：「當然跟吳聘沒得比，但是盡量做，因為長期在外拍戲，回家就對老婆好點。」言猶在耳，何潤東今日零晨就喺微博話：「第一天當導演終於結束回家，夜深人靜差不多該睡的時候，但我還是得出去一趟，因為老婆交代我買的耳塞我忘了買……」網民睇到之後，除指何潤東寵妻無度之外，更多人留言表示好掛住吳聘，又話希望可以令吳聘復活。

其實何潤東最近正為TVBS新作《翻牆的記憶》身兼演員、導演、編劇和製作人，由於TVBS過往自家製劇集都十分膾炙人口，所以何潤東都壓力不少，為咗可以更充分展現出《翻》當中嘅校園欺凌、黑社會不斷題材，何潤東早在半年前已經培養演員，更規定新演員「到現場要大聲跟所有人打招呼」，又特地搵健身教練為新演員塑造出佢心目中嘅體形，魔鬼程度同國民好老公判若兩人。