《盜墓者羅拉》有新片預告　網民唔LIKE新主角惡搞海報變速龍

說時遲，那時快，今年1月時才剛有《Tomb Raider》（盜墓者羅拉）的演員名單，同年9月19日就已有預告片啦！今次故事內容主軸線都是圍繞着主角羅拉尋找生父的故事，而這次為故事重啟的電影（即是重新翻拍）。根據之前5月份的外媒訪問，導演Roar Uthaug亦都有講，這次電影取材自2013年遊戲新作《盜墓者羅拉》。

不過今次《盜墓者羅拉》與上幾集唔同，因為最主要嘅主角已經換咗人啦！計一計，其實2001年拍第一集的時候，安祖蓮娜祖莉（Angelina Jolie）26歲，演羅拉其實就真係剛好。不過歲月不留人，現在安祖蓮娜已經是6個子女的母親（3個領養，3個親生）。如果再演羅拉的話，就算她外貌身形體能符合到，羅拉的粉絲都可能接受不到。再者，安祖蓮娜近年已經有減產的迹象，從以前高峰期2004年1年出產5套電影到這3、4年每年1套，產量已經相差很多了。

總而言之，新電影就當然會有新角色新演員啦。蜘蛛俠都換咗3個，更何況係羅拉，係咪先？

這次電影將會由2016年奧斯卡最佳女配角獎的艾莉西亞菲瑾德（Alicia Vikander）演出。她憑籍丹麥女孩（The Danish Girl）這套電影一口氣得到了4個知名獎項。其實她在《丹麥女孩》之前，都一直星路平平。如果以荷李活片計，這次《盜墓者羅拉》是她首次擔正做女主角，所以她這次亦都非常落力接受訓練。本來身形瘦小的她更因拍戲而操肌變大隻。睇返佢2016年嘅相，再睇下1年後嘅劇照，就知道分別有幾大。除此之外，其實艾莉西亞菲瑾德在成為演員之前，就已經在瑞典皇家芭蕾舞學院接受過9年的訓練。而她以往的戲路大多數都是以文戲為主，唔知呢一次佢動作戲又得唔得呢？

不過，唔少外國網民都唔多鍾意新角色，仲笑張宣傳海報「Badly Photoshop」，P到條頸勁長咁話。有網民更即時修改，幫《盜墓者羅拉》海報換埋個頭添...

不知道是否因為男朋友米高法斯賓達（Michael Fassbender，即《X-Men》磁力王）的影響呢？2位無獨有偶地都飾演動作角色，女朋友是《盜墓者羅拉》的主角，而男朋友又是《刺客教條》主角。又咁啱2套都係遊戲改編，唔知遲啲2間電影公司有冇興趣做返個crossover情侶檔呢？