【果欄中的江湖大嫂】馮盈盈岑麗香濃妝打排球 零技術靠替身代打

撰文:
最後更新日期:

點解去沙灘要化濃妝?馮盈盈對眼睫毛真係好長吖。

夏日炎炎本應該留在室內涼下冷氣,又或者出海曬下太陽。而今日一班無線藝員亦都唔輸蝕曬埋一份,不過佢哋嘅「曬」就唔同咗地方。烈日當空30幾度高溫一下,《果欄中的江湖大嫂》演員黃浩然、岑麗香(香香)、馮盈盈、楊明就需要在沙灘拍攝打排球的外景。

 

香香雖然成為人妻,但仍然是女神。

所幸的是,馮盈盈及香香身穿一身泳衣服裝實在是請人食「眼睛的冰淇淋」。當然,沙灘排球其實難度甚高,要求的技術也高,所以大會亦都非常貼心地幫馮盈盈請了一位替身拍攝。馮盈盈接受《香港01》訪問時說:「呢場戲入面我係一個打排球非常之叻嘅高手,但係現實中我其實就唔係好識。所以公司就安排左一個替身幫我做一啲高難度嘅動作,其實我都有啲擔心嘅位。(低難度嘅就係你做)低難度都唔得,直頭係冇難度嘅我先做到。」

原來你拍「動作場面」係看似簡單,做起來就複雜,真係辛苦曬佢哋。香香 在訪問中說,原來她也不太習慣這些體力勞動。她説:「我暫時拍曬文戲,所以對我嚟來講個壓力就完咗架啦。宜家我哋要拍sporty嘅嘢,所以我就舒服啲。」馮盈盈也説:「我覺得我哋做文戲嗰時,企喺啲陰涼位就比較舒服啲,但係一到我哋要拍『動作場面』,又曬又咁激烈嘅時候就唔太習慣。(動作場面係指排球?)絕對係!啦冇其他動作場面啦。」

同場仲有2位肌肉猛男,黃浩然和楊明。

係咪好想同兩位女神一齊同陽光玩遊戲呢?大熱天時要「寓娛樂於工作」真的不容易,又要保持靚樣keep住補妝,也要搽太陽油,更要保持笑容,也要記對白。馮盈盈也表示:「我今日仲買咗支新嘅太陽油用,已經搽咗幾層。」唉,真係辛苦曬⋯

 

+5
+4
+3


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。