【胡說八道真情假期】胡杏兒鼻大似陀仔? 老豆ig放bb波衫露玄機

撰文:
最後更新日期:

杏兒的老公上前在IG上載了這埋親友送給Baby Lee的衫仔。

杏兒陀B後個鼻真係大咗好多呀。

胡杏兒肚入面個baby Lee下個月就出世喇,杏兒陀BB至今一直無公開過腹中BB的性別,好神秘,令到不少人都會估她這一胎到底是生仔還是生女。不過民間就有個傳聞話陀仔仔的媽咪鼻子會比陀B前大些,而胡杏兒的鼻子由陀B以後又的確是愈來愈大,比以前大了很多。其實在她instagram的相中已可見她的鼻子變大了,而在近日無綫播出的《胡說八道真情假期》裡亦可見她的大鼻look,仲有傳話陀仔仔的媽咪會走樣㗎,節目中杏兒的樣子又真係無之前咁靚...所以從表面證據看來,杏兒應該是陀仔仔的。

 

杏兒喺《胡說八道真情假期》入面明顯走咗樣。

而這個猜測另一非常有力的證據,就是杏兒的老公李乘德 (Philip) 早前在他的instagram上載了一埋親友送贈的BB衫,留言表示:「Some of the early love from Aunties and Uncles before Baby Lee has even arrived - such a lucky little kid !」一望落去這些衫仔的款式都偏向男仔,其中更有兩件是阿仙奴球隊的BB衫,咁好明顯Baby Lee係男仔啦,就算杏兒大賣關子唔肯公開透露BB性別,但她的老公這次就因為這些衫仔踢爆了老婆是陀仔喇,看來呢位準爹地的心情既興奮又充滿住期待。

 

杏兒同老公下個月就會榮升做爹地媽咪。

杏兒第一胎就疑似一索得男陀住粒慈姑椗,李家上下當然都非常開心啦。據悉杏兒的奶奶更特地從英國飛返香港照顧她,陪她待產,對呢個新抱十分之疼錫。其實杏兒同奶奶本身感情都好好,以前杏兒在橫店拍完戲返家,奶奶就煲定紅菜頭湯給她喝,現在杏兒陀住bb,奶奶更是一日三餐都親自為新抱主理,確保杏兒攝取到充足的營養。可謂錫到她燶。

杏兒個奶奶煮嘢食好勁,依家仲負責主理陀B杏兒一日三餐。

杏兒為李家陀住慈姑椗。

+22
+21
+20


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。