【胡說八道真情假期】姚子羚那些年「豐乳巨臀」:肥時反而多人追

撰文:
最後更新日期:

子羚話自己少女時比依家肥起碼成個碼。

做得娛樂圈呢行,幾乎九成以上的藝人都要時刻keep住fit爆身形,試問會有幾多個夠膽肥過部電單車吖。身為無綫花旦的姚子羚當然也將自己操到好fit,其實子羚入行至今14年一直都非常之苗條,甚至可能有些人會覺得她太瘦。而最令人羨慕又妒忌的是她瘦得來卻仍然擁有美好身材!不過又有邊個會諗到fit到漏的子羚原來都曾經是個肥妹仔一名?

子羚一向都好fit,又點估到佢曾經係肥妹仔一名。

於日前播出的一集《胡說八道真情假期》中,她就自爆了這段她少女時代在澳洲讀書是肥妹仔的「黑歷史」,還出賣了自己一張攝於18歲時的「肉照」,相中的子羚塊臉圓碌碌,包包面加上肥嘟嘟的身形真係好可愛呀,根本無可能認到是她囉。連她自己都話:「你完全係唔可以相信以前喺澳洲嘅姚子羚,係比依家嘅我肥起碼一個碼,嗰時有啲內地嘅同學仔會取笑我,用一個四字詞語 ,係叫我做『豐乳巨臀』。」

子羚以前肥到畀人笑佢係豐乳巨臀。

她身旁的胡蓓蔚即表示:「話你豐乳,我信,但話你巨臀我真係唔信囉。」子羚續說:「我嗰時真係好肥,18歲張身份證就係我喺澳洲讀書時嗰個樣,我每次遞張身份證過去,嗰個人都 (一臉疑惑),因為我瘦返。」咁認唔到她都好正常,減肥前後的她真的是相差太遠喇。子羚仲話無諗過自己在澳洲肥妹仔的時候反而多人追,後來瘦了返香港的時候就無人追了。唔通男仔真係都偏向鍾意有肉地的女仔?唔知子羚現在的男朋友又鍾意她肥些還是瘦些呢?

唔好以為子羚食極唔肥,為咗Keep住fit爆身形佢下咗唔少苦功㗎。

今集6個好姊妹又再次感動到喊。

+16
+15
+14


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。