31歲賴慰玲低調簽紙結婚 好姊妹sweet爆同場：諗起都想喊
撰文：郭敏玲
出版：更新：
呢個場面真係好溫馨。
31歲的賴慰玲成為了人妻了！早前7月突發宣布自己陀B 5個月之後，昨日在Instagram宣布已經簽字結婚，真係非常低調。不過Winki之前都講過結婚不會大搞，只是簡簡單單同班好朋友過就夠。其實這樣是最好不過，結婚人生大事，都是志在分享喜悅，毋須大費周章。
所謂自己的大日子，就當然邀請一班好姊妹出席喇。Winki之前在TVB拍《女人俱樂部》時，與陳嘉寶、陳瀅成為了好朋友，所以她們都有出席婚禮，同場還有蔡思貝及Winki口中的大哥哥鄭嘉穎。雖然有鄭嘉穎，但就未見女友陳凱琳在場，可能有工作在身，不過陳凱琳事後都有在ig post相祝福賴慰玲，可見兩人的感情都好好。除此之外，賴慰玲的姪女都有在場，BB女多數受歡迎，有好多人都爭住抱佢，難怪Winki都話：「我姪女變咗搶手貨」
就算個婚禮好簡單，但賴慰玲同拍拖多年男友結婚都覺得好感動，她自言「諗起都想喊」。與此同時，準新娘Anjaylia眼見好朋友結婚咁開心，佢自己都話「喊到收唔聲」。唔知係咪差不多時候出嫁，Winki透露Anjaylia陪自己揀婚紗。至於會唔會擺酒，Winki一向低調開，所以都唔會再補辦。不過點都好，好快又要到Anjaylia結婚，又係一件開心事。
sweet爆圖輯
+5