【壹號皇庭】同王菲拍親熱戲要講清楚 蘇永康：佢嚇到縮開好尷尬
撰文：溫菁莉
出版：更新：
近期深宵時段播出嘅劇集《壹號皇庭II》話題同台慶劇差唔多一樣咁hit，當中飾演Raymond嘅蘇永康，昨晚在芷珊姐姐主持嘅《最佳拍檔》中透露拍攝時嘅趣聞，蘇永康透露劇中和飾演他女朋友嘅王菲拍攝親熱戲，就唔小心嚇到對方彈開，「有場戲王菲煎牛排，我就要去幫她煎，一掂到佢隻手，阿菲就嚇得即刻彈開，成嗰氣氛好尷尬。」
就係呢幕，蘇永康掂到王菲隻手，嚇到王菲縮開。
+1
王菲當年好靚！！
要講王菲，咁就一定要提《重慶森林》。
93年仲係叫王靖雯嘅王菲，已經係《壹號皇庭II》中做一個相當重戲份嘅角色飾演新進檢控官唐毓文(Mandy)。劇中留著長髮嘅王菲嘅氣質簡直係一流，如果要用時下嘅形容詞形容嘅話，用「文青女神」一詞無誤！睇返資料當年王菲只有24歲，非常年輕，所以如果拍親熱戲會嚇到彈開，相信大家都可以理解嘅。而《壹號皇庭》系列，王菲雖然只拍過1齣，點解唔再繼續拍？亦都係多得《壹號皇庭II》，因為當時佢為劇集唱出插曲《執迷不悔》，唱到街知巷聞不得止，亦為其後其歌壇天后之路鋪下基礎！
在《壹號皇庭II》中除了氣質被網友大讚外，演技都係重點之一，雖然資歷同年紀好青澀，無論係當年收看劇集嘅觀眾還是現在才收睇嘅網友都好受落。其後王菲1994年拍攝電影《重慶森林》，仲提名《1995年香港電影金像獎 》及《第31屆金馬獎》最佳女主角，雖然之後都係同獎項擦身而過，但在《 斯德哥爾摩電影節 》獲最佳女主角獎項。要數王菲最近年嘅作品，已經要去到13年前由王家衛執導嘅電影《2046》喇！