【反黑】28座大王係網劇大導演 點擊拍得住《使徒行者2》

撰文:
最後更新日期:

宋本中為《反黑》總導演,現在國內點擊過億,香港youtube又熱播。

最近《使徒行者2》起勢強勁,5日點擊已過2億,但上了3日的網劇《反黑》更強,國內三日已過億點擊,香港大家亦可在YouTube免費收看,但對網友最大亮點是這套網劇的總導演宋本中,就算是TVB迷都未必知誰是宋本中,但如果說「28座大王」應該知吧,原來當年拍《三五成群》後,大王已開始對幕後很有興趣,亦開始跟李力持,其實宋本中拍網劇之前已有,樂視網劇《天才在左、瘋子在右》亦是他擔任總導演。

大陸劇《江南四大才子》亦是他執導作品。

除了網劇外,他亦和劉愷威合作大陸劇《江南四大才子》,可能大家會以為大王玩玩下,但其實他非常有心做導演,21歲時,用3日拍了一套《癲鳳傻龍》,亦去過星爺的星輝電影公司,之後和好朋友陳國坤合作開了Visual Brothers後期製作公司,而大王的品味,亦有番咁上下,除了杜琪峯外,最愛電影是意大利導演Sergio Leone的《The Good The Bad The Ugly》,不是愛電影真係說不出,想扮嘢都扮唔到,大王有料到㗎。

+7
+6
+5

其實大王除咗執導根底夠紮實,他的口才也相當了得。日前吳毅將接受《香港01》訪問,便提及自己有份參與《反黑》,飾演火屎一角。對佢嚟講,呢種既衝動又暴戾的角色,已經演過太多次,本想推掉,但呢一刻大王就使出三吋不爛之舌說服到對方。吳毅將︰「佢話Ben哥(吳毅將英文名)!你今次真係要幫我,我哋想捧張建聲做新一代奸人,要搵班惡人畀佢糟躓,咁先凸顯到佢原來仲癲過班前輩,到時佢惡到出晒名,以後呢類角色就搵佢食啦,唔會搞到你!」就係呢句充滿承傳意義的說話,打動了吳毅將答應演出。吳毅將︰「我最後仲會畀佢糟躓到又爆眼又縫埋個嘴,大家拭目以待。」咁識講嘢,唔怪得搵到咁多位大佬畀面演出。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。