【老表，畢業喇！】細細粒激吻BabyJohn：拍之前有清潔口腔
撰文：鄺鈺瑩
出版：更新：
就片段所見，細細粒未咀之前忍唔住笑咗，NG後，一嚟就手口並用，最後更一個翻身將BabyJohn壓着。
細細粒（陳嘉佳）同林盛斌（Bob）早年喺《老表，你好hea！》上演一場重口味嘅激吻戲，相信唔少人至今都歷歷在目。嚟到《老表，畢業喇！》，又有細細粒，又有Bob，到底會唔會案件重演呢？早前訪問細細粒時，佢就笑晒口咁話有場勁正嘅吻戲，而且對手仲要係BabyJohn（蔡瀚億）！
試過同Bob激咀後，細細粒話以為王祖藍唔會再安排吻戲俾佢，結果今次有小鮮肉BabyJohn。
劇集昨晚首播，細細粒雖然未登場，不過佢就好心急咁喺自己嘅微信朋友圈上載咗同BabyJohn嘅吻戲，片段中，只見身穿粉紅色長裙細細粒平躺地上，BabyJohn在旁說罷：「公主，你做咩唔等埋我呀？」細細粒突然醒來，一手隨即搭在BabyJohn頸後，再順勢把他推向自己，肉嘴遇上肉嘴，細細粒再送多個鯉魚翻身，將BabyJohn壓在自己的身驅之下……片段上載之後，不少朋友都紛紛讚好並恭喜細細粒，非常好笑。
細細粒於劇中名叫呂優，主力係扮靚，她更為此購置30多套衣服，非常認真。
對於呢場世紀之吻，細細粒透過電話接受訪問時，就表示其實係佢於劇中的幻想一幕，並笑言林欣彤於劇中同樣都係暗戀BabyJohn，但就連咀都無得掂。「之前拍kiss戲就緊張，今次則有少少尷尬，但BabyJohn同我講之前喺《29+1》都有kiss過欣宜，咁先無咁緊張。」細細粒繼說自己是個專業演員，所以拍攝前都有刷牙清潔口腔。問到BabyJohn會否是其心儀的類型，她突然帶點感性表示：「我而家都唔係好知自己心儀邊一類，只求呢個小寶寶賣得出。都32歲，係咪已經屬於剩女行列？識到好，就當然好，識唔到，咪等下先囉，反正都無得強求。」
細細粒同林盛斌呢幕kiss戲，重口味到不能呼吸。