【爸爸去哪兒】 NeiNei唔怕黑入地道 大姐姐上身照顧小山竹泡芙
撰文：黃朗鈞
出版：更新：
《爸爸回來了》NeiNei仲係一個萌萌的小公主，下下要吳尊睇實。（網上圖片）
內地綜藝節目《爸爸去哪兒》最新一集雖然冇左Jasper半集，但其他萌娃一樣咁好睇，有網民指吳尊兩個細路前兩集唔講普通話加上與其他兒子未熟絡，未有太多交流，就大造文章話：「NeiNei性格唔好、唔適合爸爸5！」但今集一出，NeiNei狠狠地反駁他們，她善解人意，更在地道裡全程照顧弟弟妹妹，完全就係一個好姐姐。
去到《爸爸去哪兒》NeiNei已經成為一個大姐姐。（網上圖片）
今集節目組沒有準備午飯給一班爸爸，所以他們在分配好房間之後，一同到了劉畊宏的豪華房子商討「醫肚大計」，畊宏為咗節省時間，就叫每個爸爸煮一碟餸，之後「開心share」，就可以方便快捷地做好一頓午餐，其他爸爸聽到後馬上同意，立即回家做飯。
玩咗成日都肚餓，即刻開煮飯大會。（網上圖片）
吳尊變身吳大廚烹調蒜頭炒豬肉。（網上圖片）
吳尊首當其衝返屋企煮飯，他熟練地切好蒜頭和豬肉，烹調一道蒜頭抄豬肉。唔知吳尊係咪有教過NeiNei煮飯，當他叫她炒豬肉時，NeiNei毫無怯場，有功有架咁炒，當細路Max想插手炒幾下的時侯，NeiNei即刻喝停Max，話佢知有危險。而Max問她點解可以燒菜時，她乾脆回答因為自己六歲，足以應付沸油，但NeiNei見Max咁想試，係道菜就快煮好的時候，亦比他試一次，但要全程捉緊她的手，網民見到NeiNei咁生性，都改口大讚：「大方！可愛！教育的非常好！」
NeiNei下手有功有架。（網上圖片）
NeiNei時刻睇實Max，避免佢受傷。（網上圖片）
吃完飯之後，萌娃們要組隊到地道拿取食材，身為隊長的NeiNei擔起大旗，明明怕黑的她也勇敢面對，而且全力的說中文安慰害怕的弟弟妹妹，又一直拎著最重的籃子，將其他小朋友家裡需要的東西都放在自己籃子裡面，真是由舊時《爸爸回來了》的小公主，進化成照顧妹妹的大姐姐。
NeiNei本身都怕黑，但為咗幫大家拎到食材，第一個行落去。（網上圖片）
NeiNei自己一個拎哂全部物資，認真錫細。（網上圖片）
+5