【SEVENTEEN台灣演唱會】工作人員大爆料 主辦亂掉CARAT禮物？
韓國自給自足大熱男團SEVENTEEN尋日喺台灣開Show《2017 SEVENTEEN 1ST WORLD TOUR DIAMOND EDGE》，除咗同CARAT（SEVENTEEN粉絲名稱）傳情之外，體貼嘅SEVENTEEN都有準備大紙箱，一一收起CARAT對SEVENTEEN嘅愛心禮物同埋心意！
不過喺演唱會完咗無耐之後，就有類似工作人員喺網上大爆料，更以「追韓星的迷妹們醒醒吧」為題！Post內容大概指責台灣主辦收咗CARAT精心為SEVENTEEN準備嘅禮物之後，發現CARAT辛辛苦苦整嘅卡片、花錢買嘅禮物都無好好咁送到去偶像嘅手中。又提到部分禮物被韓方工作人員開箱拎走，又話好糟蹋CARAT嘅一番心意，更係即時引嚟高度關注同埋熱烈嘅討論啦！
不過喺呢個Post出咗街接近2個鐘之後，就有真．工作人員出嚟澄清，指禮物仲喺場館，已經整理好會送返飯店，又講到唔知早前發Post嘅人係有私怨定係專登挑撥CARAT同SEVENTEEN嘅感情，再附上當時現場照，以證自己講嘅嘢句句屬實，仲話主辦準備對呢個「工作人員」提告添！最後台媒《聯合報》都證實咗呢名「爆料工作人員」喺尋日活動上闖禍到被即時炒魷嘅工讀生，懷疑佢喺因為不滿被炒魷先會咁樣「爆料」抹黑！不過之後呢名「爆料工作人員」已經Delete咗嗰Post，仲另外開咗個post上傳一張親筆道歉文，澄清主辦無錯，「追韓星的迷妹們醒醒吧」只是他自己的不實圖文言論，致上十二萬分歉意，更承諾日後不再做出相同或類似行為。雖然人人都有言論自由，但惡意的人生或言語攻擊影響到人的話，就不是正當行為，更需要為自己所做過的事負責任，所以大家都做任何之前都要好好三思啊！
更多SEVENTEEN圖片
我們01韓迷的facebook專頁Kpop 01已經開始喇！想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/