【使徒行者2．劇透】黑警陸續有嚟 心狠手辣連最愛嘅人都唔放過
撰文：溫菁莉
出版：更新：
TVB熱播劇集《使徒行者2》話咁快就已經播到一半，其實有好多觀眾已經可以率先到內地網站收看，集數更去到20集。今晚（5/10）嘅劇情，宣萱飾演的Scarlett向卓凱（苗僑偉飾演）親口承認，自己的真正身份是英國軍情六處退役特工，並向他表示劉良是親生父親，因為父親親手殺死母親，所以對他恨之入骨。其實《使徒行者2》明天的劇情先進入戲肉，因為有人要死，就是許家傑飾演的炮仗，原本他想設局欲殺歡喜，卻反被對方暗算，最後還是難逃一劫。
今晚劇情就講到Scarlett向卓凱親口承認其真正身份是英國軍情六處退役特工。
+16
今次麥明詩就同魏焌皓係《使徒行者2》飾演情侶。
【使徒行者2】黃翠如回憶13年前有線歲月：跌倒沿途風光也不錯【使徒行者2】五個臥底有一個著墨較多 即將有個不死人誕生？【使徒行者2·劇透】呢兩個人身份估唔到 卓Sir身邊仲有冇好人？【使徒行者2】許家傑變一代御用奸人 炮仗哥：每個角色都會唔同
Cherry被Madam Cheung捉咗，仲命令Ben Sir殺死女友！
最終麥明詩飾演嘅Cherry被男友Ben sir親手殺死，so sad！
另外袁偉豪飾演的徐天堂到已殉職的黎sir（張兆輝飾演）的墳墓前燒毀警員委任證，而跟蹤他的卓凱和鄭淑梅見到，並向他們表示自己無意再做警察，並指黎sir已去世後無人再知道他是臥底，完全無興趣再做卓凱的臥底。而之後的亮點就係原來劇中仲有一個係卓sir嘅臥底，就係麥明詩飾演嘅Cherry喇！早前有報道講Cherry的男友朱志彬（魏焌皓飾）是黑警原來都係真嘅，而教唆佢做黑警就係總警司Madam Cheung（蔣祖曼飾），因為佢都係黑警。後來朱志彬亦意外得知女友Cherry原來真正身份都係臥底後，向Madam Cheung表示希望可以保護女友，真係好sweet！可惜到最後，朱志彬還是親手殺死女友。
原來第一集不幸被炸死的5個臥底，真係有一個無死！
而早前曾講過於第一集卓Sir派去泰國的5個臥底不幸被炸死，但竟然有一個會復活，被懷疑是楊潮凱飾演的速龍，記者其後向他查詢時就遭否認。不過翻查劇集的維基百科，原來該名未死的臥底正正就是楊潮凱，他將於22集以警方線人「雞仔」身份再度出場，疑似無被炸死，最終仲要證實是黑警身份。