《都市閒情》大隻廚師教煮餸好靚仔:男人40歲前一定要爆肌

撰文:林迅景
出版:更新:
問宋芝齡覺得大王定湛錦鈿邊個好啲,佢只係講咗句:「唔使講啦。」啱,我問得多餘。(電視截圖)

好多家庭煮婦煮男在家都會打開電影機一邊看《都市閒情》一邊準備。可能平時《都市閒情》的監制都知大家睇大王(安德尊)又或者黃太等的主持班底有啲悶。日前(10月5日)就特別邀請了一位爆肌型男廚師到節目中教授月餅的另類煮法。連節目主持之一的宋芝齡給予高評價。「佢好高大,好靚仔。佢個名叫Charm Charm,佢好charming。同埋個人好搞笑。」而這位爆肌廚師接受《香港01》訪問時說,「唔知點解今日節目出咗街之後,咁多男仔add我facebook。」看來Charm charm的fans不止少女及家庭主婦,就連男仕們都一樣喜歡佢。不過唔好意思,因為佢只係鍾意女性。「我只係鍾意女仔,不過我都鍾意結交朋友,所以我都唔介意。」

識煮嘢嘅男人係吸引嘅,好多人都話想再見到佢。(Instagram圖片)

說回這個上節目《都市閒情》的大隻型男,,他叫做湛錦鈿 (Oreo Charm)。你沒看錯,他英文真的是Oreo。湛錦鈿說,他這個英文名是源於他學廚的時候。「細個喺半島學廚嗰時,因為師傅問起我有冇英文名,而當時我又好鍾意食Oreo餅乾,所以就用咗呢個名啦。」不過據知,其他人比較慣常叫他Charm Charm,因為人如其名嘛。除了靚仔又廚藝了得之外,最多人留意的當然就是他一身的肌肉。湛錦鈿透露,其實他為了保持自己爆肌的身型都下了一番努力。他每個星期都有2-3日做重訓運動,1次起碼45分鐘。他接受《香港01》訪問時更表示,「做男人點都要爆肌,40歲前一定要影返輯爆肌相,好似彭宇晏同張家輝咁。」

宋芝齡話:「我覺得佢個廚房應該係做開放式嘅,咁啲人就可以睇到佢煮西餐,吸引多啲客。」(Instagram圖片)

他除了以上外型令萬千少女少男「嗒哂糖」之外,其實內涵都不差。「我其實16,17歲就開始喺快餐店打嘢,一直到21歲左右。因為有個朋友介紹就入咗半島酒店Gaddi's嗰度做『炒散』(餐廳臨時員工)。之後又因為Gaddi's嘅大廚覺得我做嘢勤力,就提攜咗我轉做長工。所以我之後就做咗廚師學徒學廚啦。」在餐廳工作2,3年鍛鍊了基本功之後,他就開始住外發展。「嗰時覺得自己學到咁上下,就想出去闖下睇下出面個世界。」之後他更嘗試了不同的工作,例如模特兒以及金融投資的行業。「嗰時都有做股票投資或者外匯投資,之後賺到錢之後就決定自己開coffee shop。宜家有2間鋪頭,一間喺紅磡,一間喺深水埗。我主要工作都係喺鋪頭幫手,平時都會開cooking class或者咖啡班咁。」

湛錦鈿參選2016年香港先生,不過入唔到圍。(香港01資料圖片)

睇返Oreo Charm嘅資料,佢除咗係廚師,做過模特兒,金融行業之外,2016年仲參選過香港先生。「嗰時開咗間餐廳之後,生意開始上軌道。同時又覺得自己年事已高,男人應該衝一衝,同埋想挑戰一下自己。Be a man吖嘛。」不過好可惜,最後Oreo並沒有有入選。「其實當初諗返起,嗰時唔應該咁嘅衣著。不過宜家返而覺得冇入到行係好事,因為做返自己專長嘅事就係最好。」Oreo亦都表示,參選之後其實都多了幕前出現的工作,除了他自己這次在《都市閒情》亮相外,其實他在BigBigChannel也有一個煮食節目,而平時他也十分享受自己店鋪的工作。「睇到人哋食嘢開心個樣,真係我堅持到宜家嘅動力。」

+21