HIGHLIGHT着韓服任貞洞劇場宣傳大使　超似VIXX《桃源境》造型！

如果HIGHLIGHT成員生於古代，都一定係迷倒小姐丫環嘅萬人迷！點解咁講？因為HIGHLIGHT擔任韓國首爾貞洞劇場嘅宣傳大使，最近着上韓服拍咗一輯宣傳照，相入面嘅佢哋都露出殺人微笑，真係好有靚仔書生嘅感覺呀！

（觀看更多）

【HIGHLIGHT台灣演唱會】斗俊險差錯腳踩空　成員高呼台灣多靚女

貞洞劇場（정동극장）位於德壽宮附近，雖然建立喺1995年，但佢嘅歷史意義就好深遠，因為呢個劇場復原咗韓國最早嘅近代式劇場「圓覺社」，好多遊客都會去參觀，難怪HIGHLIGHT會着住韓服影宣傳照啦！

更多HIGHLIGHT貞洞劇場宣傳大使圖片：

HIGHLIGHT呢一輯照片真係好有懷舊feel，不過望望下，大家有冇覺得諗起另一隊男子組合VIXX迷你專輯《桃源境》入面嘅宣傳照？VIXX喺呢止輯宣傳照中同樣着住深藍色嘅改版韓服，好有古代版花美男嘅感覺，加上淡黃嘅背景，又真係同HIGHLIGHT嘅宣傳照有啲似，着古裝都顏值犯晒規！

（觀看更多）

[台灣直擊KBEE]VIXX在台首跳《桃源境》　韓彩英SONAMOO靚靚撐場

更多VIXX《桃源境》造型：

其實一到大時大節，韓星都好鍾意着韓服見粉絲，雖然今日已經係追月，但除咗HIGHLIGHT嘅宣傳照之外，NCT其中4位成員Mark、泰容、Jeno同在玹拍攝韓服照都喺今日公開，4位男孩互餵年糕好可愛！

更多NCT成員Mark、泰容、Jeno韓服照：

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/