余文樂現身NBA頭排觀賽 女友王棠云貼到實原來係籃球世家
撰文：洪曉璇
出版：更新：
余文樂英文名叫Shawn，不過大部分網友會以「Fisherman Lok」稱呼樂仔，因為有個都市傳說，話「樂仔受中國籃球皇帝易建聯教導，曾經喺NBA做職業球員，是球星高比拜仁隊友，並曾跟籃球之神米高佐敦同場比賽。」而日前樂仔真係同易建聯現身NBA比賽……做觀眾，仲首次同女友王棠云（Sarah）公開現身！被大會攝影機影住喺大電視呢一幕，真係有啲似婚禮不停LOOP嘅婚紗相呀。
余文樂王棠云睇NBA同框合照。(微博圖片)
余文樂與女友大方讓傳媒任影。(視覺中國)
2017年NBA中國賽深圳站，10月5日中秋節翌日上演明尼蘇達森林狼Vs金州勇士，余文樂獲邀到場觀戰，同易建聯齊齊坐喺第一排觀眾席欣賞球賽，身邊仲有女友王棠云，他「認愛」後首度帶女友出席公開場合，傳媒要求合照任影唔嬲，自拍時王棠云更成個人挨到樂仔身上，真係甜到漏呀。
呢張自拍照，目光無法離開小鳥依人般挨住樂仔嘅Sarah。(視覺中國)
+3
好多男士最怕同另一半睇波，怕一路睇一路問「點解嘅點解嘅」，不過Sarah絕對唔會咁做，事關佢爸爸王東生，除咗係全球最大皮帶廠亞美集團總裁，仲做過台灣男子籃球隊嘅領隊。王東生係一名籃球迷，學生時代也是一名球員。王東生所效力的球隊曾經獲得了當地決賽的參賽資格，卻因為經費不足而無法參加成為終生遺憾。於是王東生立志日後事業有成，就要回饋自己最愛的籃球運動。
王東生(黑衫)曾經連續五年擔任台灣男子籃球隊領隊。(網上圖片)
仲讀緊大學嘅Sarah，睇波都可以睇到於網上爆紅。(視覺中國)
Sarah也在父親的薰陶下成為了一名籃球迷，2009年尚未入行仲讀緊大學嘅佢，就被傳媒捕捉到跟隨爸爸觀看男籃亞錦賽，當時仲箍緊牙仲用緊原名王予柔嘅Sarah，被現場球迷和網友們稱為「亞錦賽第一美女」迅速於網絡爆紅。當年Sarah仲同易建聯以及陳建州齊齊睇波，有傾有講非常熟落。唔知樂仔有無同女友或者未來外父切磋一下球技呢？
王棠云早於09年已跟易建聯及陳建州認識。(微博圖片)
Sarah（右）於2010年拍攝校園偶像劇《流氓校長》正式入行。(視覺中國)
+11